مَتَّى 26:55 - كِتاب العَهد الجَّديد مِن الكِتاب المُقَدَّس

⁵⁵ في السّاعَه ديك، يَسُوع قال لِلجُّموع: ”جيتو بِسُيوف و عَصايات عَشان تَقبُضو عَلي زي ما أنا حَرامي؟ كُلّو يوم كُنتَ قاعِد في الهيكَل بَعِلِّم النّاس، و إنتو ما مَسَكتوني.

مَتَّى 26:55 Iomraidhean Croise

مَتَّى 21:23

و لَمّا دَخَل مَحَل الهيكَل، القُسُس الكُبار و شُيوخ النّاس قَرَّبو ليهو وَكِت ما هو كان بِعَلِّم النّاس. و قالو ليهو: ”بِتَعمِل الحاجات دي بِياتا سُلطَه؟ و مِنو أدّاك السُّلطَه دي؟“

مَتَّى 26:47

و وَكِت ما هو لِسَّع يتكَلَّم، يَهُوذَا، واحِد مِن الإتناشَر، وِصِل. و جَماعَه كَتيرَه كانو مَعاهو شايلين سُيوف و عَصايات، مُرَسَّلين مِن القُسُس الكُبار و شُيوخ النّاس.

مَرْقُس 10:1

و يَسُوع مَرَق، و مَشى لِمَحَل اليَهُودِيَّه و غادي الأُرْدُنّ. و ناس كُتار إتلَمّو ليهو، و كان يَعَلِّمُم كَمان زي عادَتو.

مَرْقُس 12:35

و وَكِت ما يَسُوع كان يَعَلِّم في الهيكَل، قال: ”كيف يَقولو مُعَلِّمين القانون أن المَسيح هو إبن دَاوُد؟

لُوقَا 19:47

و كان بِعَلِّم كُلّو يوم في الهيكَل. لَكِن القُسُس الكُبار و مُعَلِّمين القانون و رؤساء النّاس كانو عاوزين يَكتُلوهو.

لُوقَا 20:1

و في يوم مِن الأيام، لَمّا يَسُوع كان بِعَلِّم النّاس في الهيكَل و بِبَشِّر، القُسُس الكُبار و مُعَلِّمين القانون مَعَ الشُّيوخ جو ليهو.

لُوقَا 4:20

و قَفَل الكِتاب، و أدّاهو لِلخَدّام، و قَعَد. و كُل النّاس الكانو في بيت الرَّب كانو يَعاينو ليهو.

يُوحَنَّا 7:14

و في وَسط العيد، يَسُوع طَلَع لِلهيكَل و بَدا يَعَلِّم.

يُوحَنَّا 7:28

لَمّا يَسُوع كان قاعِد بِعَلِّم في الهيكَل، هو نادى و قال: ”إنتو كُلُّكُم تَعرِفوني، و تَعرِفو مِن وين أنا جيت. أنا ما جيت مِن نَفسي. لَكِن الرَّسَّلني هو حَق، و إنتو ما بِتَعرِفوهو.

يُوحَنَّا 8:2

و في الصَّباح بَدري، رَجَع تاني لِلهيكَل. و النّاس كُلَّهُم جو ليهو. و قَعَد و إبتَدا يَعَلِّمُم.

يُوحَنَّا 8:20

يَسُوع قال ليهُم الكَلام دا جَمب الخَزنَه، لَمّا كان بِعَلِّم في الهيكَل. و ما في واحِد قَبَضو، عَشان وَكتو لِسَّع ما كان جا.