مَتَّى 25:1 - كِتاب العَهد الجَّديد مِن الكِتاب المُقَدَّس

¹ في الوَكِت دا، مَلَكوت السَّما بِكون زي عَشَرَه بَنات اَخَدو لَمباتُم، و مَشو يَقابِلو العَريس.

مَتَّى 25:1 Iomraidhean Croise

مَتَّى 13:24

و عَلَّمُم مَثَل تاني و قال: ”مَلَكوت السَّما زي زول زَرَع تيراب سَمِح في زِراعتو.

مَتَّى 13:31

و عَلَّمُم مَثَل تاني و قال: ”مَلَكوت السَّما زي تيراب الخَردَل، و زول اَخَدو و زَرَعو في زِراعتو.

مَتَّى 13:38

و الزِّراعَه هي الدُّنيا، و التّيراب الكَويس يَعني أولاد المَلَكوت. و القَش هُم أولاد الشَّرّير.

مَتَّى 13:47

كَمان، مَلَكوت السَّما زي شَبَكَه رَموها في البَحَر، و هي جَمَعَت سَمَك مِن كُلّو نوع.

مَتَّى 20:1

عَشان مَلَكوت السَّما زي سيد بيت. و هو مَرَق بَدري في الصَّباح عَشان يَأجِّر شَغّالين عَشان يَشتَغِلو في الجِّنينَه بِتاعَت العِنَب.

مَتَّى 22:2

”مَلَكوت السَّما زي مَلِك جَهَّز عَزومَة عِرس لِوَلَدو.

مَتَّى 25:7

بَعدين كُل البَنات قامو و جَهَّزو لَمباتُم.

مَتَّى 3:2

و يَقول: ”توبو، فِشان مَلَكوت السَّما قَريب.“

مَتَّى 5:16

خَلّو نُوركُم يَنَوِّر كِدا قِدّام النّاس، عَشان يَشوفو أعمالكُم الكوَيسَه، و يَدّو مَجد لِأبوكُم الفي السَّما.

مَتَّى 9:15

يَسُوع قال ليهُم: ”ناس العِرِس بِقدَرو يَبكو وَكِت ما العَريس مَعاهُم؟ الأيام بِتَجي لَمّا يَشيلو العَريس مِنَّهُم. في الوَكِت داك بِصومو.

يُوحَنَّا 18:3

عَلَشان كِدا، يَهُوذَا أخَد جَماعَه مِن العَساكِر، و خَدّامين مِن القُسُس الكُبار و الفَرّيسيّين. و هُم جو لِهِناك شايلين لَمبات و سِلاح.

يُوحَنَّا 3:29

و العِندو العَروسَه، هو العَريس. لَكِن صاحِب العَريس الواقِف و يَسمَع صوت العَريس، هو بِكون مَبسوط، عَشان بِسمَع صوت العَريس. عَشان كِدا، فَرَحي دا هَسَّع بِقى كامِل.

أعمال الرُّسُل 20:8

و كانَت في فَوانيس كَتيرَه في الأوضَه الفي فوق، الكُنّا مِتلَمين فيها.

١ كُورِنْثُوس 11:2

أحمَدكُم عَشانكُم تِتزَكَّروني في كُلّو شي، و تَحفَظو التَّعاليم زي ما سَلَّمتَها ليكُم.

٢ كُورِنْثُوس 11:2

عَشان أنا غَيور عَليكُم بِغيرَة الله. عَشان أنا وَعَدتَكُم لِراجِل واحِد عَشان أقَدِّم عَذراء نَضيفَه لِلمَسيح.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

رؤيا 14:4

ديل هُم الما نَجَّسو نُفوسُم مَعَ النِّسوان، عَشان هُم نُضاف. و هُم يَتبَعو الحَمَل لِأي مَحَل الهو يَمشي ليهو. و كانو مُشتَرين مِن بين النّاس، أوَّل ثِمار لِلَّه و لِلحَمَل.

رؤيا 19:7

خَلّونا نَفرَح و نَكون مَبسوطين خَلاص و نَمَجِّدو! عَشان عِرِس الحَمَل جا، و عَروستو جَهَّزَت نَفسا.

رؤيا 21:2

و شُفتَ المَدينَه المُقَدَّسَه، أُورُشَلِيم الجَديدَه، نازِلَه مِن السَّما مِن الله. و هي كانَت مَجَهَّزَه زي عَروسَه مَزيَنَه لِعَريس.

رؤيا 21:9

و جا واحِد مِن السَّبعَه مَلائكَه الكانو عِندَهُم السَّبعَه حِلَل مَليانَه مِن السَّبعَه ضَرَبات الأخيرَه، و قال لَي: ”تَعال، بَوَرّيك العَروسَه، مَرَة الحَمَل.“

رؤيا 4:5

و مِن الكُرسي مَرَقو بُروق و أصوات و رُعود. و قِدّام الكُرسي سَبعَه لَمبات نار مَوَلَّعَه. و هُم السَّبعَه أرواح الله.

رؤيا 8:10

و المَلاك التّالِت ضَرَب بِالبوق، و نَجمَه كَبيرَه وَقَعَت مِن السَّما، مَوَلَّعَه زي فانوس. و وَقَعَت عَلى تِلت البِحار و عَلى عُيون المويَه.