مَتَّى 24:14 - كِتاب العَهد الجَّديد مِن الكِتاب المُقَدَّس

¹⁴ و بِبَشِّرو بِبِشارات المَلَكوت دي في الدُّنيا كُلَّها، عَشان شَهادَه لِكُلّو ناس الدُّنيا. و بَعدين آخِر الدُّنيا بِجي.

مَتَّى 24:14 Iomraidhean Croise

مَتَّى 10:7

و وَكِت ما إنتو ماشين، بَشِّرو و قولو: مَلَكوت السَّما قَرَّب.

مَتَّى 18:19

الحَق أقول ليكُم تاني إذا إتنين مِنَّكُم يَتَّفِقو عَلى الأرض في أي شي بِطلُبوهو، بِكون ليهُم مِن أبوي الفي السَّما.

مَتَّى 24:3

و وَكِت كان قاعِد عَلى جَبَل الزّيتون، تَلاميذو قَرَّبو ليهو بَراهُم و قالو: ”كَلِّمنا، الحاجَه دي بِتكون مِتين؟ و شِنو العَلامَه التَّوَرّينا إنتَ بِتَجي و الزَّمَن دا بِخلَص؟“

مَتَّى 24:6

بِتَسمَعو بِحُروب و خَبَر حُروب. شوفو عَشان ما تَكونو خايفين. لازِم الحاجات دي تَحصَل. و لَكِن آخِر الدُّنيا لِسَّع ما جا.

مَتَّى 4:23

و يَسُوع كان ماشي في كُل الجَّليل، و بِعَلِّم في بِيوت الرَّب، و بِبَشِّر بِشارات المَلَكوت، و يَشيل كُلّو عَيى مِنَّهُم و كُلّو ضُعف في وَسط النّاس.

مَتَّى 9:35

و يَسُوع كان بِمشي في كُل المُدُن و البِلاد، و يَعَلِّم في بِيوت الرَّب و يَبَشِّر بِبِشارات المَلَكوت، و يَشفي كُلّو عَيى و كُلّو مَرَض في النّاس.

مَرْقُس 13:10

و في الأوَّل لازِم بِبَشِّرو بِالإنجيل لِكُل الأُمَم.

لُوقَا 2:1

و في الأيام ديلاك، طَلَع أمر مِن أُغُسْطُس قَيصَر عَشان يَسَجِّلو كُلّو سُكّان الأرض.

لُوقَا 24:47

و يَبَشِّرو بِالتّوبَه و غُفران الخَطايا بِإسمو لِكُل الأُمَم، و يَبتَدو مِن أُورُشَلِيم.

لُوقَا 4:5

و بَعدين إبْلِيس طَلَعو لِمَحَل عالي، و وَرّاهو مَمالِك الدُّنيا كُلَّها في دَقيقَه واحدَه.

أعمال الرُّسُل 1:2

لِغايَة اليوم الأخَدوهو لِلسَّما. و قُبّال ما أخَدوهو لِلسَّما، هو أمَر بِالرّوح القُدُس الرُّسُل الهو إختارُم.

أعمال الرُّسُل 11:28

و قام واحِد مِنَّهُم إسمو أغابوس، و إتنَبّأ بِالرّوح عَن جوع شَديد البِكون في كُل الدُّنيا. و داك حَصَل في أيام كُلُودِيُوس.

أعمال الرُّسُل 17:31

عَشانو إختار يوم فيهو بِيَحكُم عَلى الدُّنيا بِالعَدل بِالإنسان الجَّهَّزو. و أدّا لِلكُل بيّنَه، لَمّا قَوَّمو مِن بين المَيِّتين.“

أعمال الرُّسُل 17:6

و لَمّا ما لِقوهُم، جَرّو ياسون و بَعَض الأخوان لِسَلاطين المَدينَه، و هُم يَكورِكو: ”ديل القَلَبو الدُّنيا، جو هِنا كَمان.

أعمال الرُّسُل 19:27

و في خَطَر لِصِنعَتنا تَكون عِندَها إسم بَطّال. و كَمان بيت أَرْطَامِيس الإلَه العَظيمَه في خَطَر يَحسِبوها و لا حاجَه. و هي بِتَقَع مِن مَجدا، و النّاس بِيَعبُدوها في آسيا و كُل الدُّنيا.“

أعمال الرُّسُل 20:25

و هَسَّع شوفو، أنا بَعرِف إنتو ما بِتشوفو وَشّي تاني مَرَّه، إنتو، يا كُل الأنا مَشيت بِينُم بَبَشِّر بِالمَلَكوت.

رُومِيَه 10:18

لَكِن أقول: يِمكِن ما سِمِعو؟ طَبَعاً سِمِعو! ”صوتُم مَرَق في كُل الأرض، و كلماتُم لِآخِر الدُّنيا.“

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

كُولُوسِّي 1:6

الجّا ليكُم زي في كُل الدُّنيا كَمان. و الإنجيل دا بِجيب ثِمار و بِكبَر، زي ما كان بيَعمِل بينكُم مِن اليوم لَمّا إنتو سِمِعتو و عِرِفتو نِعمَة الله بِالحَق.

عِبرانيين 1:6

و كَمان، لَمّا يَجيب البِكر لِلدُّنيا، هو يَقول: ”خَلّي كُلّو مَلائِكَة الله يَعبُدوهو.“

عِبرانيين 2:5

عَشان هو ما خَتَّ الدُّنيا الجّايَه تِحِت المَلائكَه، الدُّنيا النِحنا نِتكَلَّم عَنّا.

رؤيا 14:6

و شُفتَ مَلاك تاني يَطير في وَسِط السَّما، و مَعاهو الإنجيل الأبَدي عَشان يَبَشِّر بيهو السّاكنين عَلى الأرض مِن كُلّو أُمَّه و قَبيلَه و لُغَه و شَعب.

رؤيا 16:14

عَشان هُم أرواح شياطين بيَعمِلو عَلامات. و يَمرُقو لِمُلوك الدُّنيا كُلَّها عَشان يَلِمّوهُم لِكِتال اليوم الكَبير، يوم الله القادِر عَلى كُلّو شي.

رؤيا 3:10

و عَلَشان إنتَ حَفَظتَ أمري بِالصَّبر، أنا كَمان بَحفَظَك مِن ساعَة التَجرِبَه القَرَّبَت تَجي عَلى كُل الدُّنيا. و السّاعَه دي بِتَجي عَشان تَجَرِّب السّاكنين عَلى الأرض.