مَتَّى 23:13 - كِتاب العَهد الجَّديد مِن الكِتاب المُقَدَّس

¹³ و لَكِن حُزن ليكُم، يا مُعَلِّمين القانون و الفَرّيسيّين، يا مُنافِقين! عَلَشان إنتو بِتَقفِلو مَلَكوت السَّما قِدّام النّاس. عَشان إنتو نُفوسكُم ما تَدخُلو، و لا تَخَلّو النّاس الدّاخِلين يدخُلو.

مَتَّى 23:13 Iomraidhean Croise

مَتَّى 23:16

حُزن ليكُم، يا ناس العَميانين البِقودو النّاس. إنتو بِتقولو: إذا كان واحِد يَحلِف بِالمَحَل القُدّوس، دا ما حاجَه. و لَكِن إذا يَحلِف بِدَهَب المَحَل القُدّوس، لازِم يَعمِل زي ما حَلَفو.

مَتَّى 23:23

حُزن ليكُم، يا مُعَلِّمين القانون و الفَرّيسيّين، المُنافِقين! عَشان إنتو تَدّو الواحِد في عَشَرَه مِن بُهاراتكُم، النَّعناع و الشِّبِت و الكَمّون، و لَكِن تَخَلّو الحاجات الأهَمّا مِن ديل في القانون، يَعني العَدل و الرَّحمَه و الإيمان. لازِم تَعمِلو دي، و ما تَخَلّو ديك.

مَتَّى 23:25

حُزن ليكُم، يا مُعَلِّمين القانون و الفَرّيسيّين، المُنافِقين! إنتو بِتنَضِّفو الفِنجان و الصَّحَن مِن بَرَّه، و لَكِن مِن جُوَّه هُم مَليانين طَمَع و مَحَبَّة النَّفس.

مَتَّى 23:27

حُزن ليكُم، يا مُعَلِّمين القانون و الفَرّيسيّين، المُنافِقين! عَشان إنتو زي قُبور مُبِيَّضين. تَبَيِّن جَمِيلَه مِن بَرَّه، لَكِن هي مِن جُوَّه مَليانَه عِضام النّاس الماتو و كُلّو وَساخَه.

مَتَّى 23:29

حُزن ليكُم، يا مُعَلِّمين القانون، المُنافِقين! عَشان إنتو تَبنو قُبور الأنبياء و تَزَيِّنو المَحَلّات اليَدفِنو فيهو البارين.

مَتَّى 3:7

و لَمّا شاف كَتير مِن الفَرِّيسِيِّين و الصَّدّوقيين قاعِدين يَجو لِلمَعموديَّه، يُوحَنَّا قال ليهُم: ”يا أولاد الدَّبايب، مِنو خَبَّركُم بِالخَطَر عَشان تَجرو مِن الزَّعل الجّاي؟

لُوقَا 11:52

مُصيبَه ليكُم، يا مِتعَلِّمين في قانون. عَشان شِلتو مُفتاح المَعرِفَه. إنتو زاتكُم ما دَخَلتو، و مَنَعتو النّاس الدّاخِلين.“

يُوحَنَّا 9:22

و والِديهو قالو كِدا عَشان هُم كانو خايفين مِن اليَهود، عَشان اليَهود إتَّفَقو، إنّو إذا واحِد إعتَرَف هو المَسيح، يَطرُدوهو مِن بيت الرَّب.

يُوحَنَّا 9:24

و مَرَّه تانيَه نادو الرّاجِل الكان عَميان، و قالو ليهو: ”أَدِّي المَجد لِلَّه. نِحنا بِنَعرِف الرّاجِل دا خاطي.“

يُوحَنَّا 9:34

رَدّو و قالو ليهو: ”إنتَ كُنتَ مَولود في الخَطايا تَمام، و إنتَ تَعَلِّمنا؟“ و طَرَدوهو بَرَّه.

أعمال الرُّسُل 13:8

لَكِن عَليم السّاحِر، و دا مَعنى إسمو، قاوَمُم و جَرَّب يَمنَع المُدير عَشان ما يآمِن.

أعمال الرُّسُل 5:28

و قال: ”أدّيناكُم أمر ما تَعَلِّمو بِالإسم دا. لَكِن شوفو، إنتو مَليتو أُورُشَلِيم بِتَعليمكُم، و عاوزين تَخُتّو عَلينا دَم الإنسان دا.“

أعمال الرُّسُل 5:40

و هُم إتَّفَقو مَعاهو و نادو الرُّسُل و جَلَدوهُم. و أمَرُم ما يِتكَلَّمو بِإسم يَسُوع. و بَعَد دا خَلّوهُم يَمشو.

أعمال الرُّسُل 8:1

و شَاوُل كان رَضيان بِكَتَلو. و حَصَل في اليوم داك تَعب كَتير عَلى الكَنيسَه الفي أُورُشَلِيم. و كُلُّهُم إلّا الرُّسُل إتشَتَّتو في بِلاد اليَهُودِيَّه و السَّامِرَه.

٢ تِيمُوثَاوُس 3:8

و زي ما يَنّيس و وَيَمْبِرِيس عاكَسو مُوسَى، ديل كَمان بِعاكِسو الحَق، و هُم رُجال عِندَهُم أفكار خَربانَه و بِخُصوص الإيمان، هُم مَرفوضين.

٢ تِيمُوثَاوُس 4:15

و إنتَ كَمان تَحرَس مِنّو، عَشان هو عاكَس كلماتنا كَتير.