مَتَّى 22:16 - كِتاب العَهد الجَّديد مِن الكِتاب المُقَدَّس

¹⁶ و هُم رَسَّلو ليهو تَلاميذُم مَعَ الهيروديسين. و هُم قالو: ”يا مُعَلِّم، نِحنا عارفين إنتَ تَقول الحَق، و تَعَلِّم سِكَّة الله بِالحَق. و إنتَ ما تَغَيِّر كَلامَك عَشان فِكر النّاس، عَلَشانَك ما تَعمِل فارِق بين النّاس.

مَتَّى 22:16 Iomraidhean Croise

مَتَّى 22:24

”يا مُعَلِّم، مُوسَى قال: إذا زول بِموت و ما عِندو أولاد، أخوهو لازِم يِتزَوَّج مَرَتو و يَجيب أولاد لِأخوهو.

مَتَّى 22:26

و زي ما حَصَل لِلأخو الأوَّل، كِدا حَصَل لِلتاني و التّالِت، لِغايَة السّابِع.

مَتَّى 26:18

و قال ليهُم: ”أمشو لِلمَدينَه لِفُلان، و قولو ليهو، المُعَلِّم يَقول: وَكتي قَريب. بَسَوّي عيد الفِصَح مَعَ تَلاميذي في بيتَك.“

مَتَّى 26:49

و هو طَوّالي قَرَّب لِيَسُوع، و قال: ”السَّلام، يا سَيِّدي.“ و سَلّم عَليهو سَلام شَديد.

مَرْقُس 10:17

و وَكِت ما كان ماشي في السِّكَّه، واحِد جَرى و رَكَع قِدّامو و سَألو و قال ليهو: ”يا المُعَلِّم الصّالِح، أسَوّي شِنو عَشان أُورَث الحَياة الأبَديَّه؟“

مَرْقُس 12:13

و رَسَّلو ليهو بَعَض مِن الفَرِّيسِيِّين و بَعض مِن الهِيرُودُسين عَشان يَقبُضوهو في الكَلام.

مَرْقُس 12:14

و جو ليهو و قالو: ”يا مُعَلِّم، بِنَعرِف إنتَ تَقول الحَق، و ما تَغَيِّر كَلامَك عَشان فِكر النّاس. عَلَشان إنتَ ما تَعمِل فارِق بين النّاس، و لَكِن تَعَلِّم طَريق الله بِالحَق. واجِب عَلينا نَدّي الطُّلبَه لِقَيصَر، ولّا لا؟

مَرْقُس 3:6

و الفَرّيسيّين مَرَقو، و طَوّالي إتكَلَّمو عَليهو مَعَ الهِيرُودُسين كيف يَكتُلوهو.

مَرْقُس 8:15

و هو حَزَّرُم و قال: ”خَلّو بالكُم، و أحرِسو مِن خَميرَة الفَرِّيسِيِّين و خَميرَة هِيرُودُس.“

لُوقَا 20:21

و هُم سألوهو و قالو: ”يا مُعَلِّم، نِحنا بِنَعرِف إنتَ تِتكَلَّم و تَعَلِّم بِالعَدل، و ما تَعمِل فارِق بين النّاس. لَكِن بِالحَق تَعَلِّم طَريق الله.

لُوقَا 7:40

و رَدَّ يَسُوع و قال ليهو: ”يا سِمْعَان، عِندي حاجَه أقولا ليك.“ و قال: ”قول، يا مُعَلِّم.“

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

يُوحَنَّا 18:37

و بِيلاطُس قال ليهو: ”عَلى كِدا إنتَ مَلِك؟“ يَسُوع قال ليهو: ”إنتَ بِتقول أنا مَلِك. عَشان كِدا أنا إتوَلَدتَ، و عَشان كِدا أنا جيت لِلدُّنيا، عَشان أشهَد لِلحَق. كُلّو واحِد اليَحِب الحَق يَسمَع صوتي.“

يُوحَنَّا 7:18

البِتكَلَّم مِن نَفسو بِطلُب مَجد نَفسو. لَكِن البِطلُب المَجد حَق الرَّسَّلو، هو أمين، و ما فيهو غِش.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

٢ كُورِنْثُوس 5:16

عَشان كِدا، مِن هَسَّع ما بِنَعرِف واحِد بِحَسَب الجِّسم. و إذا عِرِفنا المَسيح حَسَب الجِّسم، هَسَّع ما بِنَعرِفو كِدا.

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

غَلَاطِيَّه 2:6

و لَكِن المُحتَرمين ما زادو و لا شي لِبِشارتي. و المُحتَرمين كانو شِنو ما بِهِمّني، عَشان الله ما بِشوف الوشوش.

١ تَسَالُونِيكِي 2:4

و لَكِن زي ما الله كان مَبسوط مِنَّنا، و أدانا مسؤليَة الإنجيل، كِدا نِتكَلَّم. و بِنَعمِل دا، ما عَشان نَبسِط النّاس، لَكِن عَشان نَبسِط الله اليَجَرِّب قُلوبنا.

يَعْقُوب 3:17

لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.