مَتَّى 22:13 - كِتاب العَهد الجَّديد مِن الكِتاب المُقَدَّس

¹³ بَعدين المَلِك قال لِلخَدّامين: أربُطو إيدينو و كِرعينو، و أرموهو بَرَّه في الضُّلُمَّه. هِناك بِيَبكو و بِعَضّو الأسنان.

مَتَّى 22:13 Iomraidhean Croise

مَتَّى 12:29

ولّا كيف واحِد بِقدَر يَدخُل بيت راجِل قَوّي و بِشيل مالو، إلّا هو بِربُط الرّاجِل القَوّي في الأوَّل؟ بَعدين بِشيل مالو.

مَتَّى 13:30

خَلّوهُم الإتنين يَكبَرو سَوا لِغايَة ما تَمَّ الوَكِت عَشان يَلِم الدُّرَه. و لَمّا وَكِت الحَصاد تَمَّ، أقول لِليَلِمّو الدُّرَه، لِمّو القَش في الأوَّل، و أربُطوهو عَشان يَحرَقوهو. و لَكِن الدُّرَه، لِمّوهو لِمَخزَني.“

مَتَّى 13:42

و بِرموهُم في فُرن النّار. هِناك بِكون البِكى و عَض السِّنون.

مَتَّى 13:50

و بِرموهُم في فُرن النّار. هِناك بِكون البِكى و عَض السِّنون.

مَتَّى 24:51

و هو يَجلِدو شَديد، و يَخُتّو مَعَ المُنافِقين. هِناك بِكون البِكى و عَض السِّنون.

مَتَّى 25:30

و لَكِن الخَدّام البَطّال، أرموهو لِلضُّلُمَّه الفي بَرَّه. هِناك بِكون البِكى و عَض السِّنون.

مَتَّى 8:12

و لَكِن أولاد المَلَكوت، بِرموهُم بَرَّه في الضُّلُمَّه. هِناك بِيَبكو و بِعَضّو الأسنان.“

لُوقَا 13:28

هِناك بِكون البِكى و عَض السِّنون، لَمّا تَشوفو إِبْرَاهِيم و إِسْحَاق و يَعْقُوب و كُل الأنبياء في مَلَكوت الله، و إنتو مَطرودين بَرَّه.

يُوحَنَّا 21:18

الحَق الحَق أقول ليك، لَمّا كُنتَ صَغَيِر، لِبِستَ هِدومَك و مَشيت لِلمَحَل الأنتَ دايِرو. لَكِن لَمّا بِقيت عَجوز، إنتَ ماشي تَمِد إيدينَك، و واحِد بِلَبِّسَك و بِشيلَك لِلمَحَل الأنتَ ما عاوِز تَمشي ليهو.“

أعمال الرُّسُل 21:11

و جا لينا و أخَد حِزام بُولُس، و رَبَط بيهو إيدينو و رِجلينو و قال: الرّوح القُدُس يَقول: ”كِدا، اليَهود في أُورُشَلِيم ماشين يَربُطو الرّاجِل، سيد الحِزام دا، و بِسَلِّموهو لِإيدين الأُمَم.“

أعمال الرُّسُل 7:54

و لَمّا سِمِعو دا، كانو زَعلانين كَتير خَلاص، و عَضو بِسِنونُم عَليهو.

٢ تَسَالُونِيكِي 1:9

و الجِّزا بِتاعُم هو خَراب أبَدي، و يَفَرِّقوهُم مِن وَش الرَّب و مِن مَجد قُوَّتو،

٢ بُطْرُس 2:17

النّاس ديل أبيار بِدون مويَه، غَمام تَسوقو الهَبوب. و الضُّلُمَّه الغَريقَه مَحفوظَه ليهُم.

٢ بُطْرُس 2:4

عَشان الله ما رَحَم عَلى المَلائكَه العَمَلو خَطيَّه، لَكِن رَماهُم في جَهَنَّم. و هو سَلَّمُم لِسُجون الضُّلُمَّه عَشان يَحفَظُم لِلدّينونَه.

يَهُوذَا 1:13

أمواج بَحَر مُحَرَّكَه مَزَبِّدَه بِخَجَلُم، نُجوم ضالَّه، مَحفوظَه لِضَلام أسوَد جِدّاً لِلأبَد.

يَهُوذَا 1:6

و المَلائكَه الما حِفظو سُلطَتُم لَكِن سابو بيتُم المَخصوص، ديل مَحفوظين بِجَنازِير أبَديَّه لِدينونَة اليوم العَظيم في الضَّلام.

رؤيا 21:27

و ما في شي نَجِس بِدخُل فيها أبَداً، ولّا أي واحِد اليَعمِل الحاجَه البِتَخجَل ولّا الكِضِب. لَكِن بَس النّاس الأساميهُم مَكتوبين في كِتاب الحَياة بِتاع الحَمَل يدخُلو.