مَتَّى 21:19 - كِتاب العَهد الجَّديد مِن الكِتاب المُقَدَّس

¹⁹ و لَمّا شاف شَجَرَة تين جَمب السِّكَّه، قَرَّب ليها، و لَكِن ما لِقى حاجَه فيها إلّا وَرَق بَس. و قال ليها: ”ما بِكون ثِمار مِنَّك تاني مَرَّه لِلأبَد.“ و طَوّالي الشَّجَرَه يِبسَت.

مَتَّى 21:19 Iomraidhean Croise

مَتَّى 21:20

لَمّا التَّلاميذ شافو دا، إستَغرَبو و قالو: ”كيف الشَّجَرَه يِبسَت طَوّالي؟“

مَرْقُس 11:14

و قال ليها: ”ما في واحِد بياكُل مِنِّك ثِمار تاني مَرَّه أبَداً.“ و تَلاميذو سِمِعوهو.

مَرْقُس 11:20

و في الصَّباح وَكِت ما كانو ماشين، شافو شَجَرَة التّين يِبسَت لِغايَة عُروقا.

لُوقَا 3:9

و هَسَّع الفاس عَلى عِرق الشَّجَر. و كُلّو شَجَرَه الما تَجيب ثِمار سَمِح، يَقطَعوها و يَرموها في النّار.“

يُوحَنَّا 15:2

كُلّو فَرَع فِيني الما بِجيب ثِمار، هو بِقطَعو، و الفَرَع البِجيب ثِمار، هو بِنَضِّفو عَشان بِجيب ثِمار أكتَر.

يُوحَنَّا 15:6

إذا واحِد ما يَسكُن فِيني، يَرموهو بَرَّه زي الفَرَع اليَنشَف. و يَلِمّو الفُروع و يَرموهو في النّار و يَحرِقوها.

٢ تِيمُوثَاوُس 3:5

عِندَهُم صورَة خوف الله لَكِن هُم بِنكُرو قُوَّتو. كون بَعيد مِن ديل.

تِيطُس 1:16

هُم بِقولو إنَّهُم بِيَعرِفو الله، و لَكِن هُم بِنكُروهو بِأعمالُم. و هُم مَكروهين، و ما بِطيعُو، و ما عِندَهُم فايدَه لِأي عَمَل كوَيس.

يَهُوذَا 1:12

و ديل حُجار مَدسوسَه في عَزوماتكُم المَحَبّيَه، عامِلين عَزومات مَعاكُم بِدون خوف، و يَهتَمّو بِنُفوسُم بَس. هُم سَحاب بِدون مويَه، تَشيل الأرياح، شَجَر الخَريف بِدون ثِمار، مات مَرَّتين و ما طَلَّع.

رؤيا 22:11

خَليهو اليَعمِل الشَّر يِستَمِر يَعمِل الشَّر. و خَليهو اليَكون نَجِس يِستَمِر يَكون نَجِس. و خَليهو اليَكون بار يِستَمِر يَعمِل البِر. و خَليهو اليَكون مُقَدَّس يِستَمِر يَكون مُقَدَّس.“