مَتَّى 20:26 - كِتاب العَهد الجَّديد مِن الكِتاب المُقَدَّس

²⁶ و لَكِن ما بِكون زي دا بينكُم. لَكِن العاوِز يَكون كَبير بينكُم لازِم يَكون خَدّامكُم.

مَتَّى 20:26 Iomraidhean Croise

مَتَّى 20:27

و العاوِز يَكون الأوَّل بينكُم لازِم يَكون ليكُم عَبد.

مَتَّى 25:44

و بَعدين هُم كَمان بِرُدّو و بِقولو ليهو: يا رَب، مِتين شُفناك جَعان ولّا عَطشان؟ ولّا مِتين كُنتَ غَريب، ولّا عَريان، ولّا عَيّان، ولّا في السِّجِن و ما ساعَدناك؟

مَتَّى 27:55

و نِسوان كُتار كانو في كَمان، يَعاينو مِن بَعيد. و هُم تِبعو يَسُوع مِن الجَّليل عَشان يَخدِموهو.

مَرْقُس 10:43

و لَكِن ما يَكون بينكُم زي دا. لَكِن العاوِز يَبقى كَبير بينكُم، لازِم يَكون خَدّام ليكُم.

مَرْقُس 10:45

عَلَشان إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء عَن ناس كُتار.“

مَرْقُس 9:35

و هو قَنَّب، و نادى الإتناشَر، و قال ليهُم: ”إذا واحِد عاوِز يَبقى الأوَّلاني، لازِم يَبقى آخِر الكُل و خَدّام لِلكُل.“

لُوقَا 18:14

بَقول ليكُم: الزّول دا مَشى لِبيتو مَبَرَّر عَن التّاني، عَشان كُلّو واحِد اليَرفَع نَفسو يَخُتّوهو تِحِت، و اليَخُت نَفسو تِحِت يَرفَعوهو.“

لُوقَا 22:26

لَكِن إنتو ما تَكونو كِدا. لَكِن الأكبَر فيكُم، خَليهو يَبقى زي الأصغَر، و الرَّئيس زي الخَدّام.

يُوحَنَّا 18:36

يَسُوع قال ليهو: ”مَلَكوتي ما مِن الدُّنيا دي. إذا مَلَكوتي مِن الدُّنيا دي، خَدّاميني بِحارِبو، عَشان ما بَتسَلَّم لِليَهود. لَكِن هَسَّع مَلَكوتي ما مِن الدُّنيا.“

أعمال الرُّسُل 13:5

و لَمّا وِصلو لِسَلاميس، هُم خَبَّرو بِكِلمَة الله في بُيوت الرَّب بِتاعَت اليَهود. و يُوحَنَّا كان مَعاهُم مُساعِد ليهُم.

٢ كُورِنْثُوس 1:24

نِحنا ما عِندَنا سُلطَه عَلى إيمانكُم. لَكِن بِنَشتَغِل مَعاكُم عَشان تَكونو مَبسوطين، عَلَشان إنتو ثابِتين في إيمانكُم.

٢ تِيمُوثَاوُس 1:18

و الرَّب يَدّي ليهو أن يَلقا رَحمَه مِن الرَّب في اليوم داك! و إنتَ بِتَعرِف كوَيس كيف هو خَدَّمني بِحاجات كَتيرَه في أفَسُس.

فِلِيمُون 1:13

و كُنتَ داير أحفَظو مَعاي، عَلَشان يَخدِمني بَدَلَك في جَنازِير الإنجيل.

عِبرانيين 1:14

مُش كُلُّهُم أرواح البِخدِمو، مَرَسَّلين لِلخِدمَه فِشانُم الماشين يورَثو الخَلاص؟

١ بُطْرُس 4:11

و إذا كان أي واحِد يتكَلَّم، خَليهو يَعمِلو زي اليتكَلَّم بِكِلمات الله. إذا كان أي واحِد يَخدِم، خَليهو يَخدِم بِالقُوَّه الأدّاها ليهو الله، عَشان يَمَجِّدو الله في كُلّو حاجَه بِيَسُوع المَسيح. ليهو المَجد و السُّلطان لِلأبَد. آمين.

١ بُطْرُس 5:3

و ما زي أسياد عَلى النّاس الهُم مَسؤوليتكُم، لَكِن كونو مَثَل لِلمُراح.

رؤيا 17:6

و شُفتَ المَرَه كانَت سَكرانَه مِن دَم القِدِّسين و مِن دَم شاهِدين يَسُوع. و لَمّا شُفتَها، كُنتَ مُستَغرَب جِدّاً.