مَتَّى 2:13 - كِتاب العَهد الجَّديد مِن الكِتاب المُقَدَّس

¹³ و بَعَد ما مَشو، شوف، مَلاك الرَّب جا لِيُوسِف في حِلِم و قال: ”قوم، أُخُد الوَلَد و أُمّو و أمشي قَوام لِمَصر، و أقعُد هِناك لِغايَة ما أقول ليك، عَلَشان هِيرُودُس عاوِز يَفَتِّش عَلى الوَلَد عَشان يَكتُلو.“

مَتَّى 2:13 Iomraidhean Croise

مَتَّى 1:20

لَكِن وَكِت ما كان يَفَكِّر في دا، شوف! مَلاك الرَّب جا ليهو في حِلِم و قال: ”يا يُوسِف إبن دَاوُد، ما تَخاف تاخُد مَرَتَك مَرْيَم، عَلَشان الهي حِملَت بيهو، هو مِن الرّوح القُدُس.

مَتَّى 10:23

و لَمّا يَطرُدوكُم مِن المَدينَه دي، أجرو لِلتّانيَه. الحَق أقول ليكُم، إنتو ما بِتَمشو لِكُلّو بِلاد إِسْرَائِيل قُبّال ما يَجي إبن الإنسان.

مَتَّى 2:12

و الله كَلَّمُم عَن الخَطَر في حِلِم عَشان ما يَرجَعو لِهِيرُودُس. و هُم مَشو بِسِكَّه تانيَه لِبَلَدُم.

مَتَّى 2:14

و هو قام و أخَد الوَلَد و أُمّو بِاللّيل و مَشى لِمَصر.

مَتَّى 2:16

بَعدين، لَمّا هِيرُودُس شاف أن المَجوس ما إحتَرَموهو، كان زَعلان جِدّاً جِدّاً، و رَسَّل و كَتَل كُل الأولاد الكانو في بيت لَحَم، و في كُلّو مَحَل القَريب مِنّو، الأولاد العُمر بِتاعُم كان سَنَتين و أقَل مِن دا، زي الوَكِت الكان عِندو خَبَر مِن المَجوس.

مَتَّى 2:22

و لَكِن لَمّا هو سِمِع أن أَرْخِيلاوُس كان يَحكُم عَلى اليَهُودِيَّه بَدَل أبوهو هِيرُودُس، خاف يَمشي هِناك. و عَشان الله كَلَّمو عَن الخَطَر في حِلِم، مَشى لِقِسم الجَّليل.

أعمال الرُّسُل 10:22

و الرُّجال قالو: ”جينا مِن كَرْنِيلِيُوس، رَئيس الجّيش. هو راجِل صالِح و يَخاف الله. و كُل اليَهود بِشهَدو ليهو. و مَلاك مُقَدَّس جا ليهو، و حَزَّرو أن يَناديك عَشان تَجي لِبيتو، و هو يَسمَع كَلام مِنَّك.“

أعمال الرُّسُل 10:7

و بَعَد ما المَلاك الإتكَلَّم مَعاهو مَرَق، كَرْنِيلِيُوس نادى إتنين مِن خَدّامينو و عَسكَري طَيب مِن الكانو يَخدِموهو دايماً.

أعمال الرُّسُل 12:11

و بُطْرُس رَجَع لِنَفسو و قال: ”هَسَّع عِرِفتَ بِتأكيد، الرَّب رَسَّل ملاكو و خَلَّصني مِن إيد هِيرُودُس و مِن كُلّو شي اليَهود كانو يِستَنّو عَشان يَعمِلو.“

أعمال الرُّسُل 12:7

و شوف! مَلاك الرَّب وَقَف جَنبو، و نور نَوَّر في المَحَل. و هو ضَرَب جَنب بُطْرُس، و قَوَّمو مِن النّوم و قال: ”قوم بِالسُّرعَه!“ و الجَّنزيرين وَقَعو مِن إيدينو.

أعمال الرُّسُل 16:36

و السَّجّان خَبَّر بُولُس بِالكَلام دا: ”القُضاة رَسَّلو عَشان يَفِكّوكُم. هَسَّع أمرُقو و أمشو بِسَلام.“

أعمال الرُّسُل 5:19

لَكِن مَلاك الرَّب فَتَح أبواب السِّجِن في اللّيل، و مَرَّقُم، و قال ليهُم،

أعمال الرُّسُل 7:19

المَلِك دا غَشّا جِنسَنا، و ظَلَم أبَهاتنا، حَتّى رَمو أطفالُم بَرَّه عَلَشان يَموتو.

رؤيا 12:14

و أدّو لِلمَرَه جِنحين النَّسر الكَبير عَلَشان تَطير لِلخَلا لِمَحَلّا. و هِناك بِهتَمّو بيها زَمَن و زَمنين و نُص زَمَن، بَعيد مِن وَش الدَّبيب.

رؤيا 12:4

و ضَنَبو يَجُر تِلت مِن نُجوم السَّما، و رَماهُم لِلأرض. و التّنين وَقَف قِدّام المَرَه القَرَّبَت تَلِد، عَشان يَبلَع وَلَدا لَمّا وِلدَت.

رؤيا 12:6

و المَرَه هَرَبَت لِلخَلا لِلمَحَل الله جَهَّزو ليها عَشان يَهتَمّو بيها هِناك مُدَّة ألف و ميتين و سِتّين يوم.