مَتَّى 2:12 - كِتاب العَهد الجَّديد مِن الكِتاب المُقَدَّس

¹² و الله كَلَّمُم عَن الخَطَر في حِلِم عَشان ما يَرجَعو لِهِيرُودُس. و هُم مَشو بِسِكَّه تانيَه لِبَلَدُم.

مَتَّى 2:12 Iomraidhean Croise

مَتَّى 1:20

لَكِن وَكِت ما كان يَفَكِّر في دا، شوف! مَلاك الرَّب جا ليهو في حِلِم و قال: ”يا يُوسِف إبن دَاوُد، ما تَخاف تاخُد مَرَتَك مَرْيَم، عَلَشان الهي حِملَت بيهو، هو مِن الرّوح القُدُس.

مَتَّى 2:13

و بَعَد ما مَشو، شوف، مَلاك الرَّب جا لِيُوسِف في حِلِم و قال: ”قوم، أُخُد الوَلَد و أُمّو و أمشي قَوام لِمَصر، و أقعُد هِناك لِغايَة ما أقول ليك، عَلَشان هِيرُودُس عاوِز يَفَتِّش عَلى الوَلَد عَشان يَكتُلو.“

مَتَّى 2:19

و لَكِن لَمّا هِيرُودُس مات، شوف، مَلاك الرَّب جا في حِلِم لِيُوسِف في مَصر

مَتَّى 2:22

و لَكِن لَمّا هو سِمِع أن أَرْخِيلاوُس كان يَحكُم عَلى اليَهُودِيَّه بَدَل أبوهو هِيرُودُس، خاف يَمشي هِناك. و عَشان الله كَلَّمو عَن الخَطَر في حِلِم، مَشى لِقِسم الجَّليل.

مَتَّى 27:19

و كَمان، وَكِت ما كان قاعِد عَلى كُرسي الحُكم، مَرَتو رَسَّلَت ليهو و قالَت: ”ما تَعمِل أي حاجَه لِلرّاجِل البار دا. عَشان عَذَّبتَ كَتير في حِلم النَّهار دا فِشانّو.“

لُوقَا 2:26

و كان جا ليهو رؤيا مِن الرّوح القُدُس إنّو ما يَشوف الموت قُبّال ما يَشوف مَسيح الرَّب.

أعمال الرُّسُل 10:22

و الرُّجال قالو: ”جينا مِن كَرْنِيلِيُوس، رَئيس الجّيش. هو راجِل صالِح و يَخاف الله. و كُل اليَهود بِشهَدو ليهو. و مَلاك مُقَدَّس جا ليهو، و حَزَّرو أن يَناديك عَشان تَجي لِبيتو، و هو يَسمَع كَلام مِنَّك.“

أعمال الرُّسُل 4:19

و بُطْرُس و يُوحَنَّا رَدّو و قالو ليهُم: ”أحكُمو إنتو، دا هو الحَق قِدّام الله أن نَسمَع ليكُم أكتَر مِن الله؟

أعمال الرُّسُل 5:29

و بُطْرُس و الرُّسُل التّانيين رَدّو و قالو ليهُم: ”نِحنا لازِم نَسمَع الله أكتَر مِن النّاس.

١ كُورِنْثُوس 3:19

عَشان حِكمَة الدُّنيا دي، هي حاجَه بَليدَه قِدّام الله. عَشان مَكتوب: ”هو ياخُد الشّاطرين بِغِشُّم.“

عِبرانيين 11:7

بِالإيمان نُوح، لَمّا الله حَزَّرو عَن الحاجات الهو لِسَّع ما شافُم، خاف و بَنى المُركَب الكَبيرَه لِخَلاص أهلو. و بيهو هو حَكَم عَلى الدُّنيا و بِقى وارِث لِلبِر البِالإيمان.

عِبرانيين 8:5

و هُم بِخدِمو صورَه و ضُل الحاجات الفي السَّما. و زي دا، هو حَزَّر مُوسَى لَمّا هو قَرَّب يَعمِل الخيمَه و قال: ”شوف عَشان تَسَوّي كُلّو حاجَه زي الصّورَه الوَرّيتا ليك في الجَّبَل.“