مَتَّى 18:8 - كِتاب العَهد الجَّديد مِن الكِتاب المُقَدَّس

⁸ و إذا كان إيدَك ولّا كُراعَك هي سَبَب خَطيَّتَك، أقطَعا و أرميها مِنَّك. أحسَن ليك تَدخُل الحَياة بِكُراع واحدَه ولّا إيد واحدَه مِن ما يَرموك في النّار الأبَديَّه و عِندَك إيدين ولّا كِرعين.

مَتَّى 18:8 Iomraidhean Croise

مَتَّى 17:27

لَكِن عَشان ما نَزَعِّلُم، أمشي لِلبَحَر و أرمي جَبادَه. أُخُد أوَّل سَمَك البِتَطلَع. و لَمّا تَفتَح خَشما، بِتَلقى ريال. أُخدو، و أدّيهو ليهُم فِشانّي و فِشانَك.“

مَتَّى 25:41

بَعدين هو بِقول لِلنّاس في شِمالو: أمشو مِنّي، يا مَلعونين، لِلنّار الأبَديَّه المَجَهَّزَه لِإبْلِيس و مَلائكَتو.

مَتَّى 25:46

بَعدين ديل بِمشو لِلجِّزا الأبَديَّه، و لَكِن البارين بِمشو لِلحَياة الأبَديَّه.“

لُوقَا 14:33

و عَلى كِدا، أي زول مِنَّكُم الما بِخَلّي كُل العِندو، ما بِقدَر يَكون تِلميذ.

لُوقَا 16:24

و كورَك و قال: يا أبوي إِبْرَاهِيم، أرحَمني، و رَسِّل لَعَازَر عَشان يَخُت أصبَعو في مويَه و يَبَرِّد لِساني، عَشان أنا تَعبان جِدّاً في النّار دي.

رُومِيَه 13:12

اللّيل قَرَّب يَفوت، و النَّهار قَرَّب يَجي. عَشان كِدا، خَلّونا نَسيب أعمال الضُّلُمَّه، و نَلبَس سِلاح النّور.

رؤيا 14:10

هو كَمان بِشرَب مِن خَمر غَضَب الله، الإتكَبّى بِدون لَخبَطَه في فِنجان غَضَبو. و بِتعَذَّب بِالنّار و الكِبريت قِدّام المَلائكَه القِدِّسين و قِدّام الحَمَل.

رؤيا 20:15

و إذا لِقو إسِم أي واحِد ما مَكتوب في كِتاب الحَياة، هو إترَمى في بِركَة النّار.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“