مَتَّى 17:18 - كِتاب العَهد الجَّديد مِن الكِتاب المُقَدَّس

¹⁸ و يَسُوع كَلَّمو شَديد، و الشّيطان طَلَع مِنّو. و الوَلَد بِقى طَيب طَوّالي.

مَتَّى 17:18 Iomraidhean Croise

مَتَّى 12:22

بَعدين جابو ليهو زول كان فيهو شيطان، و هو عَميان و أبكَم. و يَسُوع شَفاهو حَتّى هو قِدِر يتكَلَّم و يَشوف.

مَتَّى 15:28

بَعدين يَسُوع رَدَّ عَليها و قال: ”يا سِت، إيمانِك عَظيم. خَليهو بِكون ليكي زي ما إنتي عاوزَه.“ و بِتّا بِقَت تَمام مِن السّاعَه ديك.

مَتَّى 17:17

و يَسُوع رَدَّ و قال: ”يا أولاد الزَّمَن دا، البِدون إيمان و رُسيكُم قَوّيَّه، لِمِتين بَكون مَعاكُم؟ لِمِتين أنا بَتحَمَّلكُم؟ جيبو لَي هِنا.“

مَتَّى 17:19

بَعدين التَّلاميذ جو لِيَسُوع بَراهُم، و قالو: ”لِشِنو نِحنا ما قِدِرنا نَطَلِّعو؟“

مَتَّى 9:22

يَسُوع إتلَفَت و شافا و قال: ”شِدّي حيلِك، يا بِتّي، بِقيتي طَيبَه عَشان إيمانِك.“ و المَرَه بِقَت شَديدَه مِن السّاعَه ديك.

مَرْقُس 1:34

و هو شَفى ناس كُتار كانو عَيّانين بِأمراض مُختَلِفَه، و مَرَّق شياطين كَتيرَه. و ما خَلّى الشّياطين يِتكَلَّمو، فِشان هُم عِرفو هو مِنو.

مَرْقُس 5:8

عَلَشان يَسُوع قال ليهو: ”اطلَع مِن الزّول، يا روح نَجِس!“

لُوقَا 4:41

و كَمان شياطين مَرَقو مِن كُتار مِنَّهُم و كورَكو و قالو: ”إنتَ إبن الله.“ و وَبَّخُم و ما خَلّاهُم يِتكَلَمو، عَشان عِرفوهو هو المَسيح.

لُوقَا 8:29

عَشان هو أمَر الرّوح النَّجِس يَطلَع مِن الرّاجِل. عَشان مَرّات كَتيرَه كان يَمسِكو. و النّاس كانو يَحفَظوهو، و هو مَربوط بِجَنازِير. و لَكِن كان يَقطَع الرُّباط، و الشّيطان كان يَسوقو لِلخَلا.

لُوقَا 9:42

و وَكِت هو جاي، الشّيطان رَماهو و جِسمو كان بِهِز. لَكِن يَسُوع وَبَّخ الرّوح النَّجِس و شَفى الوَلَد، و سَلَّمو لِأبوهو.

أعمال الرُّسُل 16:18

و هي عَمَلَت كِدا أيام كَتيرَه، حَتّى بُولُس تِعِب كَتير مِن دا، و إتلَفَت و قال لِلرّوح: ”أنا آمُرَك بِإسم يَسُوع المَسيح، أمرُق مِنَّها.“ و مَرَق في الدَّقيقَه ديك.