مَتَّى 16:24 - كِتاب العَهد الجَّديد مِن الكِتاب المُقَدَّس

²⁴ بَعدين يَسُوع قال لِتَلاميذو: ”إذا كان أي زول داير يَجي وَراي، خَليهو يَنكِر نَفسو، و يَشيل صَليبو، و يَتبَعني.

مَتَّى 16:24 Iomraidhean Croise

مَتَّى 10:38

و الما بياخُد صَليبو و يَتبَعني ما مُستَحِقّني.

مَتَّى 27:32

و وَكِت ما كانو ماشين، لِقو زول قِرَواني، إسمو سِمْعَان. و أخَدوهو بِقُوَّه عَشان يَشيل صَليبو.

مَرْقُس 10:21

و يَسُوع عايَن ليهو، و حَبّاهو، و قال: ”ناقصَه ليك حاجَه واحدَه. أمشي، بيع كُلّو مالَك، و أدّيهو لِلمَساكين، و بِكون عِندَك كَنز في السَّما. و تَعال، و أتبَعني.“

مَرْقُس 15:21

و واحِد إسمو سِمْعَان القِرَواني، أبو ألِسكَندَر و روفُس، كان بِفوت، و هو جاي مِن الزِّراعَه. و أخَدوهو بِقُوَّه عَشان يَشيل صَليبو.

مَرْقُس 8:34

و نادى ليهو النّاس مَعَ تَلاميذو، و قال ليهُم: ”إذا أي واحِد عاوِز يَجي وَراي، خَليهو يَنكِر نَفسو، و يَشيل صَليبو، و يَتبَعني.

لُوقَا 14:27

و أي واحِد الما بِشيل صَليبو و يَتبَعني، ما بِقدَر يَكون تِلميذ.

لُوقَا 23:26

و وَكِت ما ساقوهو، واحِد إسمو سِمْعَان مِن قيرَوان، كان جاي مِن الزِّراعَه. و خَتّو عَليهو الصَّليب عَشان يَشيلو وَرا يَسُوع.

يُوحَنَّا 19:17

و اَخَدو يَسُوع، و هو شايل صَليبو، لِلمَكان البِقولو عَنّو مَكان الجُّمجُمَه، و إسمو بِالعِبرانيَّه، جُلجُثَه.

يُوحَنَّا 21:19

يَسُوع قال كِدا عَشان يَوَرّي ياتو موت كان ماشي بِمَجِّد بيهو الله. و بَعَد كِدا، قال ليهو: ”أتبَعني.“

يُوحَنَّا 21:22

يَسُوع قال ليهو: ”إذا إرادَتي إنّو يَعيش لِغايَة ما بَجي، دا شِنو ليك؟ إنتَ تَعال وَراي.“

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

١ تَسَالُونِيكِي 3:3

عَشان واحِد ما يَرجَع بِسَبَب الضّيقات دي. إنتو نُفوسكُم تَعرِفو نِحنا مُختارين لِدا.

٢ تِيمُوثَاوُس 3:12

و بِالحَق بِطرُدو كُل العاوزين يَعِيشو في خوف الله في المَسيح يَسُوع.

١ بُطْرُس 2:21

الله ناداكُم لِدا، عَشان المَسيح كَمان إتوَجَّع عَشان خاطِركُم، و خَلّى ليكُم مَثَل، عَشان تَتبَعو دَربو.