مَتَّى 14:6 - كِتاب العَهد الجَّديد مِن الكِتاب المُقَدَّس

⁶ و لَمّا جا عيد ميلاد هِيرُودُس، بِت هِيرُودِيَا رَقَصَت قِدّام النّاس، و هِيرُودُس كان مَبسوط مِنَّها.

مَتَّى 14:6 Iomraidhean Croise

مَتَّى 14:3

عَشان هِيرُودُس مَسَك يُوحَنَّا و رَبَطو و خَتّاهو في السِّجِن فِشان هِيرُودِيَا، مَرَة أخوهو فِيلُبُّس.

مَتَّى 14:7

عَشان دا، هو وَعَد بِحَلَف يَدّيها أي شي الهي بِتَطلُب مِنّو.

مَتَّى 22:24

”يا مُعَلِّم، مُوسَى قال: إذا زول بِموت و ما عِندو أولاد، أخوهو لازِم يِتزَوَّج مَرَتو و يَجيب أولاد لِأخوهو.

مَرْقُس 6:14

و المَلِك هِيرُودُس سِمِع بيهو، عَلَشان إسم يَسُوع بِقى مَعروف. بَعَض مِن النّاس قالو: ”يُوحَنَّا المَعمَدان قام مِن بين المَيِّتين. و عَلَشان كِدا، القُوّات دي بِشتَغِلو فيهو.“

مَرْقُس 6:17

عَشان هِيرُودُس نَفسو كان رَسَّل و قَبَض عَلى يُوحَنَّا، و رَبَطو في السِّجِن فِشان هِيرُودِيَا، مَرَة فِيلُبُّس أخوهو. عَلَشان هو كان إتزَوَّجا.

مَرْقُس 6:19

كِدا، هِيرُودِيَا كانَت زَعلانَه شَديد في قَلبَها مِن يُوحَنَّا، و كانَت عاوزَه تَكتُلو. و لَكِن ما كانَت تَقدَر.

مَرْقُس 8:15

و هو حَزَّرُم و قال: ”خَلّو بالكُم، و أحرِسو مِن خَميرَة الفَرِّيسِيِّين و خَميرَة هِيرُودُس.“

لُوقَا 13:31

و في الوَكِت داك، بَعَد الفَرِّيسِيِّين جو لِيَسُوع و قالو ليهو: ”أمرُق، و أمشي مِن هِنا، عَشان هِيرُودُس عاوِز يَكتُلَك.“

لُوقَا 23:11

و هِيرُودُس مَعَ العَساكِر بِتاعو ضِحِكو عَليهو، و شَتَموهو. و لَبَّسوهو هِدوم جَميل، و رَجَّعوهو لِبِيلاطُس.

لُوقَا 23:7

و لَمّا عِرِف إنّو مِن سُلطَة هِيرُودُس، رَسَّلو لِهِيرُودُس الكان في أُورُشَلِيم في الوَكِت دا.

لُوقَا 3:1

و في سَنَة خَمَستاشَر مِن حُكم طِيبَارِيُوس قَيصَر، لَمّا كان بِيلاطُس البُنْطي مُدير عَلى اليَهُودِيَّه، و هِيرُودُس رَئيس مُديرِيَّه في الجَّليل، و أخوهو فِيلُبُّس رَئيس رُبُع عَلى إِيطُورِيَّه و تَرَاخُونِيتِس، و لِيسَانِيُوس رَئيس رُبُع عَلى الأبِلِيَّه،

لُوقَا 3:19

و هِيرُودُس رَئيس مُديرِيَّه، بَعَد ما يُوحَنَّا وَبَّخو بِخُصوص هِيرُودِيَا مَرَة فِيلُبُّس أخوهو و بِخُصوص كُل الأعمال البَطّالَه الهِيرُودُس عَمَلا،

لُوقَا 8:3

و يُوانّا مَرَة خوزا وَكيل هِيرُودُس، و سوزانّا، و تانيين كُتار كانو يَخدِموهو بِمالُم.

أعمال الرُّسُل 12:1

و في الوَكِت دا، هِيرُودُس المَلِك قَبَض عَلى بَعض النّاس مِن الكَنيسَه عَشان يَطرُدُم.

أعمال الرُّسُل 4:27

بِالحَق هِيرُودُس و بِيلاطُس البُنْطي إتلَمّو مَعَ الأُمَم و ناس إِسْرَائِيل في المَدينَه دي، ضِد خَدّامَك القُدّوس يَسُوع الأنتَ مَسَحتو،