مَتَّى 13:15 - كِتاب العَهد الجَّديد مِن الكِتاب المُقَدَّس

¹⁵ عَشان قَلب النّاس ديل بِقى تَقيل، و إضنينُم تُقال عَن السَّمَع، و عُيونُم قَفَلوها، عَشان ما بِشوفو بِعُيونُم، و لا يَسمَعو بِإضنينُم، و لا يَفهَمو بِقُلوبُم، و لا يَرجَعو عَشان أشفيهُم.

مَتَّى 13:15 Iomraidhean Croise

مَرْقُس 4:12

عَشان، بِعاينو بِعُيونُم و لَكِن ما بِشوفو، و بِسمَعو سَمَع و لَكِن ما بِفهَمو، عَشان ما يَرجَعو و هو يَغفِر ليهُم.“

لُوقَا 19:42

و قال: ”إذا إنتو كَمان عِرِفتو النَّهار دا الحاجات البِتجيب ليكُم سَلام. لَكِن هَسَّع، دي مَدسوسَه مِن عُيونكُم.

أعمال الرُّسُل 28:27

عَلَشان قَلب الشَّعب دا بِقى قَوّي، و إضنينُم تُقال عَشان يَسمَعو، و قَفَلو عُيونُم عَشان ما يَشوفو بِعُيونُم، و لا يَسمَعو بِإضنينُم، و لا يَفهَمو بِقُلوبُم، و لا يَرجَعو و بَشفيهُم.

أعمال الرُّسُل 3:19

عَلَشان كِدا، توبو و أرجَعو لِلَّه، فِشان الله يَشيل خَطاياكُم مِنَّكُم، و عَلَشان وَكِت الرّاحَه بِجي مِن قِدّام الرَّب.

أعمال الرُّسُل 7:57

و هُم كورَكو بِصوت عالي، و قَفَلو إضنينُم، و هَجَمو عَليهو بِفِكر واحِد.

٢ تِيمُوثَاوُس 4:4

و هُم يَدَوِّرو إضنينُم مِن الحَق، و يَرَجِّعو عَنّو لِحِكايات النّاس.

عِبرانيين 5:11

و عِندَنا كَلام كَتير عَن دا، و صَعب عَشان يَتَرجِم، عَلَشانكُم بِقيتو تُقال في السَّمَع.

رؤيا 22:2

و بِجري في وَسِط الشّارِع الكَبير بِتاع المَدينَه. و عَلى البَحَر بِالجَّنب دا و داك، كانَت في شَجَرَة الحَياة. و الشَّجَرَه دي جابَت إتناشَر نوع مِن الثَّمار، و تَجيب ثَمَرا كُلّو شَهَر. و أوراق الشَّجَرَه عَشان شِفا الأُمَم.