مَتَّى 12:46 - كِتاب العَهد الجَّديد مِن الكِتاب المُقَدَّس

⁴⁶ وَكِت ما كان لِسَّع بِكَلِّم النّاس، شوف، أُمّو و أخوانو وَقَفو بَرَّه، عاوِزين يِتكَلَّمو مَعاهو.

مَتَّى 12:46 Iomraidhean Croise

مَتَّى 1:18

و ميلاد يَسُوع المَسيح كان زي دا: لَمّا يُوسِف كان عَمَل التَّرتيب عَشان يِتزَوَّج مَرْيَم، قُبّال ما إتلَمّو، هي بِقَت حامِل مِن الرّوح القُدُس.

مَتَّى 12:47

و واحِد قال ليهو: ”أُمَّك و أخوانَك واقفين بَرَّه عاوزين يِتكَلَّمو مَعاك.“

مَتَّى 13:55

دا ما إبن النَّجّار؟ و ما إسِم أُمّو مَرْيَم؟ و ما أخوانو يَعْقُوب، و يُوسِف و سِمْعَان و يَهُوذَا؟

مَتَّى 2:11

و دَخَلو البيت و شافو الوَلَد مَعَ أُمّو مَرْيَم. و رَكَعو و عَبَدوهو. بَعَد دا، فَتَحو حاجاتُم الغاليَه و قَدَّمو ليهو هَدايا: دَهَب و لُبان و بَخور.

مَتَّى 2:20

و قال: ”قوم و أُخُد الوَلَد و أُمّو و أمشي لِبَلَد إِسْرَائِيل، عَشان الكانو يَفَتِّشو عَلى نَفس الوَلَد ماتو.“

مَرْقُس 2:21

ما في زول يَخَيِّط حِتَّه مِن قُماش جَديد عَلى قُماش قَديم. إذا يَعمِل كِدا، حِتَّت القُماش الجَّديد تَشرُط القَديم، و الشَّرط بِكون أكعَب.

مَرْقُس 6:3

دا ما هو النَّجّار؟ وَلَد مَرْيَم، و أخو يَعْقُوب، و يُوسِي، و يَهُوذَا، و سِمْعَان؟ و أخواتو ما هِنا مَعانا؟“ و بِقو زَعلانين مِنّو.

لُوقَا 1:43

و كيف أُم رَبّي تَجي لَي؟

لُوقَا 2:33

و أبوهو و أُمّو إتعَجَّبو مِن الحاجات سِمْعَان قال عَنّو.

لُوقَا 2:34

و سِمْعَان بارَكُم و قال لِمَرْيَم أُمّو: ”شوفي! الطِّفل دا مَعَيَّن لِوقوع و قيام ناس كُتار في إِسْرَائِيل، و العَلامَه يتكَلَّم ضَدّا.

لُوقَا 2:48

و لَمّا شافوهو الوالِدين، إتعَجَّبو. و أُمّو قالَت ليهو: ”يا وَلَدي، لِشِنو عَمَلتَ لينا كِدا؟ شوف! أبوك و أنا كُنّا بِنفَتِّش عَليك بِالتَّعب.“

لُوقَا 2:51

و بَعدين نَزَل مَعاهُم و جا لِلنّاصِرَه، و كان يَطيعُم. و أُمّو كانَت تَحفَظ كُل الكَلام دا في قَلبا.

لُوقَا 8:10

و قال: ”الله أدّا ليكُم تَعرِفو أسرار مَلَكوت الله، لَكِن لِلتّانيين بِأمثال، عَشان يَعاينو و ما يَشوفو، و يَسمَعو و ما يَفهَمو.

يُوحَنَّا 19:25

و أُم يَسُوع، و أُخُت أُمّو، مَرْيَم مَرَة كُلوبا، و مَرْيَم المَجْدَلِيَّه وَقَفو قَريب لِصَليب يَسُوع.

يُوحَنَّا 2:1

و في اليوم التّالِت، كان في عِرس في قانا الجَّليل. و أُم يَسُوع كانَت هِناك.

يُوحَنَّا 2:12

و بَعَد كِدا، نَزَل لِكَفْرَنَاحُوم، هو، و أُمّو، و أخوانو، و تَلاميذو. و قَعَدو هِناك أيام قَليلَه.

يُوحَنَّا 2:5

و أُمّو قالَت لِلخَدّامين: ”البِقولو ليكُم، أعمِلوهو.“

يُوحَنَّا 7:10

لَكِن بَعَد ما أخوانو طَلَعو لِلعيد، هو كَمان طَلَع، لَكِن ما قِدّام النّاس لَكِن زي في السِّر.

يُوحَنَّا 7:3

عَشان كِدا، أخوانو قالو ليهو: ”خَلّي المَحَل دا و أمشي لِليَهُودِيَّه عَشان تَلاميذَك يَشوفو أعمالَك البِتَعمِلا.

يُوحَنَّا 7:5

عَشان أخوانو كَمان ما كانو بِآمِنو بيهو.

أعمال الرُّسُل 1:14

و ديل كُلُّهُم كانو بِستَمِرّو في الصَّلاه بِفِكر واحِد مَعَ النِّسوان و مَرْيَم أُم يَسُوع و مَعَ أخوانو.

١ كُورِنْثُوس 9:5

ما عِندَنا سُلطَه أن ناخُد مَعانا مَرَه مِآمِنَه؟ زي باقي الرُّسُل و أخوان الرَّب و بُطْرُس؟

غَلَاطِيَّه 1:19

و ما شُفتَ أي واحِد مِن الرُّسُل إلّا يَعْقُوب، أخو الرَّب.