مَتَّى 12:45 - كِتاب العَهد الجَّديد مِن الكِتاب المُقَدَّس

⁴⁵ و بَعدين هو يَمشي يَجيب مَعاهو سَبعَه أرواح تانيين أكعَب مِنّو. و يدخُلو و يَسكُنو هِناك. و حالَة الزّول دا الأخيرَه بِتكون أكعَب مِن اوَّل. و بِكون كِدا لِناس الزَّمَن دا البَطّالين.“

مَتَّى 12:45 Iomraidhean Croise

مَتَّى 12:24

و لَكِن الفَرِّيسِيِّين، لَمّا سِمِعو، قالو: ”الرّاجِل دا ما يَطَلِّع الشّياطين إلّا بِبَعلَزَبول، رَئيس الشّياطين.“

مَتَّى 12:44

بَعدين بِقول: أنا بَرجَع لِبيتي المَرَقتَ مِنّو. و لَمّا يَجي، يَلقاهو فاضي، نَضيف، و جاهِز.

مَتَّى 17:21

و لَكِن النوع دا ما بِطلَع إلّا بِالصَّلاه و الصّوم.“

مَتَّى 23:15

حُزن ليكُم، يا مُعَلِّمين القانون و الفَرّيسيّين، المُنافِقين! عَشان تَقطَعو البَحَر و الأرض عَشان تَرَجِّعو زول واحِد لِلَّه. و لَمّا يَرجَع، تَعمِلوهو وَلَد لِجَهَنَّم أكتَر مِنَّكُم مَرَّتين.

مَتَّى 23:24

يا ناس العَميانين البِقودو النّاس! إنتو بِتغَربَلو البَعوضَه و بِتَبلَعو الجَّمَل!

مَرْقُس 16:9

و بَعَد ما يَسُوع قام بَدري في أوَّل يوم مِن الأسبوع، ظَهَر في الأوَّل لِمَرْيَم المَجْدَلِيَّه. و قُبّال دا، يَسُوع كان مَرَّق مِنَّها سَبعَه شياطين.

مَرْقُس 5:9

و يَسُوع سَألو و قال: ”إسمَك شِنو؟“ قال: ”إسمي لِجِيون، فِشان نِحنا كَتيرين.“

لُوقَا 11:26

و يَمشي و يَجيب سَبعَه أرواح آخِرين أكعَب مِنّو، و يدخُلو و يَسكُنو هِناك. و حَياة الزّول الأخيرَه تَبقى أكعَب مِن اوَّل.“

أفَسُس 6:12

عَشان ما نَحارِب دَم و لَحَم، لَكِن الحُكّام و السَّلاطين و رؤساء ضَلام الدُّنيا دي، و جُيوش روحيَّه بِتاعَت الشَّر في مَحَلّات عاليَه.

عِبرانيين 10:39

و لَكِن نِحنا ما مِن النّاس اليَرجَعو لِوَرا لِلخَراب، لَكِن نِحنا مِن النّاس البِآمِنو لِخَلاص النَّفس.