مَتَّى 12:32 - كِتاب العَهد الجَّديد مِن الكِتاب المُقَدَّس

³² و اليَقَول كِلمَه بَطّالَه ضِد إبن الإنسان، بِكون مَغفور ليهو. و لَكِن اليَقول ضِد الرّوح القُدُس ما بِكون مَغفور ليهو، ما في الزَّمَن دا ولّا في الزَّمَن الجّاي.

مَتَّى 12:32 Iomraidhean Croise

مَتَّى 11:19

و إبن الإنسان جا ياكُل و يَشرَب، و هُم بِقولو: دا راجِل طَمّاع و مَرّاسي، و بِحِب البِلِمّو الضَّريبَه و الخاطيين. و العِندو فَهم، أعمالو بِوَرّيهو.“

مَتَّى 12:31

عَلَشان كِدا، أقول ليكُم، كُلّو خَطيَّه و كَلام بَطّال عَلى الرَّب بِتكون مَغفورَه لِلنّاس. و لَكِن الكَلام البَطّال عَلى الرّوح ما بِكون مَغفور.

مَتَّى 12:8

عَلَشان إبن الإنسان هو رَب السَّبِت.“

مَتَّى 13:22

و الكان مَزروع في وَسط الشّوك، دا هو البِسمَع الكِلمَه، و لَكِن مَشغوليّات الدُّنيا و مَحَبَّة المال تَكون كَتيرَه حَتّى يَمنَعو الكِلمَه، و تَكون بِدون ثِمار.

مَتَّى 13:39

و العَدو الزَّرَعو، هو إبْلِيس. و وَكِت البِلِمّو الدُّرَه، هو آخِر الزَّمَن. و ديل البِلِمّوها، هُم المَلائكَه.

مَتَّى 13:40

زي ما القَش يِتلَمّا و يِنحَرِق، بِكون كِدا في آخِر الزَّمَن.

مَتَّى 13:55

دا ما إبن النَّجّار؟ و ما إسِم أُمّو مَرْيَم؟ و ما أخوانو يَعْقُوب، و يُوسِف و سِمْعَان و يَهُوذَا؟

مَتَّى 8:20

و يَسُوع قال ليهو: ”التَّعالِب عِندَهُم مَحَلّات النّوم، و طُيور السَّما عِندَهُم مَحَلّات كَمان، لَكِن إبن الإنسان ما عِندو مَحَل يَخُت رَاسو فيهو.“

مَرْقُس 10:30

إلّا يَقبَل مِيَّة مَرَّه هَسَّع في الزَّمَن دا: بُيوت، و أخوان، و أخوات، و أُمَّهات، و أولاد، و زِراعات مَعَ طَرد، و في الزَّمَن الجّاي الحَياة الأبَديَّه.

مَرْقُس 3:28

الحَق أقول ليكُم، كُل الخَطايا بِتكون مَغفورَه لِأولاد النّاس، و الشَّتايِم اليَشتِمو بيها.

مَرْقُس 3:29

و لَكِن اليَجَدِّف عَلى الرّوح القُدُس ما بِكون مَغفور ليهو أبَداً. خَطِيَّتو فوق رَقَبتو لِلأبَد.“

لُوقَا 12:10

و كُل البقول كِلمَه ضِد إبن الإنسان، بِتكون مَغفورَه ليهو. لَكِن البِجَدِّف عَلى الرّوح القُدُس، ما بِكون مَغفورَه ليهو.

لُوقَا 16:8

و السَّيد حَمَد الوَكيل الظّالِم عَشان عَمَل بِالعَقل. عَشان أولاد الدُّنيا في وَكتُم، شاطرين مِن أولاد النّور.

لُوقَا 18:30

الما ياخُد أكتَر بِكَتير هَسَّع دي، و في الزَّمَن الجّاي، الحَياة الأبَديَّه.“

لُوقَا 23:34

و يَسُوع قال: ”يا أبوي، أغفِر ليهُم، عَشان هُم ما عارِفين شِنو العَمَلوهو.“ و وَكِت هُم قَسَمو هِدومو، رَمو عَليهو القُرعَه.

لُوقَا 7:34

إبن الإنسان جا ياكُل و يَشرَب، و إنتو بِتقولو: شوف! دا راجِل بياكُل كَتير و شَرّاب خَمر، و بِحِب البِلِمّو الضَّريبَه و الخاطيين.

يُوحَنَّا 7:12

و كان في كَلام كَتير مِن النّاس مِن جِهَتو. بَعَض مِنَّهُم قالو: ”هو راجِل صالِح،“ و ناس تانيين قالو: ”لا، هو بِغِش النّاس.“

يُوحَنَّا 7:39

و هو قال دا عَن الرّوح، لِديل الآمَنو بيهو و الماشين يَقبَلوهو. عَشان الرّوح لِسَّع ما جا، عَشان يَسُوع لِسَّع ما كان إتمَجَّد.

يُوحَنَّا 7:52

و رَدّو و قالو ليهو: ”إنتَ مِن الجَّليل؟ فَتِّش، و شوف إنّو نَبي ما قام مِن الجَّليل.“

أعمال الرُّسُل 3:19

عَلَشان كِدا، توبو و أرجَعو لِلَّه، فِشان الله يَشيل خَطاياكُم مِنَّكُم، و عَلَشان وَكِت الرّاحَه بِجي مِن قِدّام الرَّب.

أفَسُس 1:21

و هو فوق كُلّو رياسَه و سُلطَه و قُوَّه و مَملَكَه و كُلّو إسم البِدّوهو لِلنّاس، مُش في الزَّمَن دا بَس، لَكِن في الجّاي كَمان.

١ تِيمُوثَاوُس 1:13

مَعَ إنّي كُنتَ بَجَدِّف و بَطرُد و بَشتِم مِن قُبّال. و لَكِن لِقيت رَحمَه عَلَشان أنا عَمَلتَ داك لَمّا كُنتَ بِدون مَعرِفَه و ما عِندي إيمان.

١ تِيمُوثَاوُس 1:15

و الكِلمَه دي أمينَه و مُستَحِقَّه لِكُلّو قُبول، إنّو المَسيح يَسُوع جا لِلدُّنيا عَشان يَخَلِّص الخاطيين. و أنا أوَّل واحِد فيهُم.

١ تِيمُوثَاوُس 4:8

عَشان رياضَة الجِّسم عِندَها فايدَه قَليلَه، لَكِن خوف الله عِندو فايدَه لِكُلّو حاجَه. عَشان عِندو وَعد لِلحَياة الفي هَسَّع و الجّايَه.

١ تِيمُوثَاوُس 6:17

آمُر الغَنيين في الدُّنيا الحاضِرَه دي أن ما يَكونو مِتكَبِّرين ولّا يَتَّكِلو عَلى الغِنى الما يِستَمِر. لَكِن خَليهُم يَتَّكِلو عَلى الله الحَي، البِدّينا كُلّو حاجَه بِغِنى عَشان نَفرَح بيها.

٢ تِيمُوثَاوُس 4:10

عَلَشان دِيمَاس خَلّاني، عَشان هو حَبَّ الدُّنيا الحاضِرَه، و مَشى لِتَسَالُونِيكِي. كِرِيسْكِيس مَشى لِغَلَاطِيَّه، و تِيطُس لِ دَلْمَاطِيَّه.

تِيطُس 2:12

و تَعَلِّمنا أن نَنكُر الأفكار الضِّد الله و الشَّهوات المِن الدُّنيا، و نَعيش في الدُّنيا الحاضِرَه بِالفَهم و البِر و خوف الله.

يَعْقُوب 1:27

الدّين النَّضيف و البِدون عيب قِدّام الله الأبو، هو زيارَة اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.