مَتَّى 11:25 - كِتاب العَهد الجَّديد مِن الكِتاب المُقَدَّس

²⁵ في الوَكِت داك يَسُوع قال: ”أشكُرَك، يا أبو، رَب السَّما و الأرض، عَشانَ إنتَ دَسيت الحاجات دي مِن الفاهمين و المِتعَلِّمين، و وَرّيتا لِلاطفال.

مَتَّى 11:25 Iomraidhean Croise

مَتَّى 16:17

و يَسُوع قال ليهو: ”مُبارَك إنتَ، يا سِمْعَان إبن يُونَا. عَشان ناس ما وَرّوهو ليك، لَكِن أبوي الفي السَّما.

مَتَّى 21:16

و قالو ليهو: ”بِتَسمَع الكَلام الأولاد ديل بِقولو؟“ و يَسُوع قال: ”أيوَه. ما قَريتو: مِن خُشوم أولاد و أطفال جَهَّزتَ الحَمد؟“

لُوقَا 22:42

و قال: ”يا أبوي، إذا إنتَ رَضيان، شيل كُبّايَة الضّيق دي مِنّي. لَكِن ما إرادَتي، لَكِن إرادَتَك تَتِم.“

لُوقَا 23:34

و يَسُوع قال: ”يا أبوي، أغفِر ليهُم، عَشان هُم ما عارِفين شِنو العَمَلوهو.“ و وَكِت هُم قَسَمو هِدومو، رَمو عَليهو القُرعَه.

يُوحَنَّا 11:41

و رَفَعو الحَجَر، و يَسُوع رَفَع عُيونو لِلسَّما و قال: ”يا أبوي، أشكُرَك عَشان سِمِعتَ لَي.

يُوحَنَّا 12:27

هَسَّع نَفسي إضطَرَبِت، و أنا بَقول شِنو؟ يا أبوي، خَلِّصني مِن السّاعَه دي؟ لا، لَكِن فِشان دا أنا جيت لِلسّاعَه دي.

يُوحَنَّا 12:28

يا أبوي، مَجِّد إسمَك.“ بَعدين جا صوت مِن السَّما و قال: ”مَجَّدتو، و بَمَجِّدو كَمان.“

أعمال الرُّسُل 17:24

الله الخَلَق الدُّنيا و كُل الفيها، هو رَب السَّما و الأرض. و هو ما يَسكُن في هياكِل مَعمولَه بِالإيدين.

١ كُورِنْثُوس 2:10

و الله وَرّاهو لينا بِروحو. عَشان الرّوح يَفَتِّش كُلّو حاجَه حَتّى حاجات الله الغَريقَه.

٢ كُورِنْثُوس 3:14

لَكِن أفكارُم بِقو مَقفولين، عَلَشان زات الغَطا بِغَطّي وُشوشُم لِغايَة اليوم دا، لَمّا بِيَقرو الإتِّفاق القَديم. و ما شالوهو مِنَّهُم عَشان في المَسيح يَشيلوهو.