مَتَّى 11:20 - كِتاب العَهد الجَّديد مِن الكِتاب المُقَدَّس

²⁰ بَعدين بِقى يَوَبِّخ المُدُن الهو عَمَل فيهُم أكتَر قُوّاتو، عَشانُم ما تابو.

مَتَّى 11:20 Iomraidhean Croise

مَتَّى 12:41

رُجال نِينَوَى بِقومو يوم الحُكم مَعَ ناس الزَّمَن دا، و يَحكُمو عَليهُم. عَشان هُم تابو لَمّا يونان خَبَّرُم. و شوف! واحِد أكبَر مِن يونان في هِنا.

مَرْقُس 16:14

بَعدين، ظَهَر لِلحِداشَر زاتُم و هُم قاعِدين ياكلو. و وَبَّخُم عَشان ما كان عِندَهُم إيمان، و فِشان قُلوبُم كانَت قَوّيَّه، عَشان هُم ما صَدَّقوهُم الشّافوهو بَعَد ما قام.

مَرْقُس 9:19

و رَدَّ عَليهُم و قال: ”يا ناس الزَّمَن البِدون إيمان، بَكون مَعاكُم لِمِتين؟ بَصبُر عَليكُم لِمِتين؟ جيبوهو لَي.“

أعمال الرُّسُل 17:20

إنتَ تَجيب لِإضنينّا أفكار غَريبَه، و عاوزين نَعرِف مَعناها شِنو.“

٢ كُورِنْثُوس 12:21

و أنا بَخاف لَمّا بَجي ليكُم تاني مَرَّه، إلَهي بِنَزِّلني قِدّامكُم. و بَكون حَزنان عَلى ناس كُتار العَمَلو خَطيَّه قُبّال دا، و ما تابو عَن الحاجات العَمَلوها مِن النَّجاسَه و الزِّنا و السَّفاهَه.

يَعْقُوب 1:5

و إن كان واحِد يَحتاج لِحِكمَه، خَليهو يَسأل الله البِدّي لِكُل النّاس بِالكَرامَه. و الله ما يَلوم، و هو بِدّيهو.

رؤيا 16:11

و هُم جَدَّفو عَلى إلَه السَّما بِسَبَب أوجاعُم و مِن دَبَرُم. و ما تابو مِن أعمالُم.

رؤيا 16:9

و النّاس إنحَرَقو بِحَر شَديد و جَدَّفو عَلى إسم الله العِندو سُلطَه عَلى الضَّرَبات دي. و هُم ما تابو عَشان يَمَجِّدوهو.

رؤيا 2:21

و أنا أدّيت ليها وَكِت عَشان تَتوب، و لَكِن هي ما عاوزَه تَتوب مِن زِناها.