مَتَّى 10:16 - كِتاب العَهد الجَّديد مِن الكِتاب المُقَدَّس

¹⁶ شوف! أرَسِّلكُم زي خِرفان في وَسط مَرفَعين. عَشان كِدا، كونو شاطرين زي الدَّبايب و لَكِن بُسَطاء زي الحَمام.

مَتَّى 10:16 Iomraidhean Croise

مَتَّى 24:25

شوفو! قُلتَ ليكُم قُبّال ما حَصَل.

مَتَّى 24:45

كِدا، مِنو هو الخَدّام الأمين الشّاطِر، إذا سيدو عَمَلو وَكيل عَلى خَدّامينو عَشان بِدّيهُم الأكِل بِتاعُم في الوَكِت المَظبوط؟

مَتَّى 25:2

خَمسَه مِنَّهُم بَليدات، و خَمسَه مِنَّهُم شاطرات.

مَتَّى 25:4

و لَكِن الشّاطرات اَخَدو زيت في عِلبَه مَعَ لَمباتُم.

مَتَّى 25:9

و لَكِن الشّاطرات قالو ليهُم: لا، يِمكِن ما بِكون كِفايَه لينا و ليكُم كَمان. و لَكِن أمشو لِلتُّجّار، و إشتَرو لِنُفوسكُم.

لُوقَا 10:3

أمشو! شوفو! أنا أرَسِّلكُم زي خِرفان في وَسط مَرفَعين.

لُوقَا 21:15

عَشان أنا بَدّيكُم كَلام و حِكمَه، و عُدوانكُم ما بِقدَرو يَغلِبو كَلامكُم ولّا يَعاكِسوهو.

أعمال الرُّسُل 20:29

و أنا بَعرِف بَعَد ما مَشيت، دياب مِتوَحِّشين بِدخُلو، و ما بِرحَمو عَلى المُراح.

١ كُورِنْثُوس 14:20

يا أخوان، ما تَكونو أولاد في أفكاركُم. كونو أولاد صُغار في الشَّر، لَكِن في أفكاركُم كونو كامِلين.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

٢ كُورِنْثُوس 11:14

ما تِستَغرَبو! عَشان الشّيطان نَفسو بِغَيِّر نَفسو لِمَلاك نور.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

٢ كُورِنْثُوس 8:20

و نِحنا نحرِس عَلَشان واحِد ما يَقول حاجَه بَطّالَه عَن الهَدِيَّه الكَريمَه النَخدِما.

فيلِبّي 2:15

عَشان بِتكونو بِدون لوم و نُضاف، أولاد الله بِدون غَلَط في وَسِط جيل مَعَوَّج و مِتمَرِّد. و إنتو تَنَوِّرو بِينُم زي نِجوم في الدُّنيا،

كُولُوسِّي 1:9

بِالسَّبَب دا، نِحنا مِن اليوم لَمّا سِمِعنا عَنكُم، ما وَقَفنا نَصَلّي فِشانكُم. و نَسأل عَشان إنتو تَكونو مَليانين بِمَعرِفَة إرادَة الله في كُلّو حِكمَه و فَهم روحي.

كُولُوسِّي 4:5

عيشو بِحكمَه مِن جِهَة النّاس المِن بَرَّه، و إشتَغِلو كوَيس بِكُلّو فُرصَه.

١ تَسَالُونِيكِي 2:10

إنتو شاهِدين و الله كَمان، كيف مَشينا بِقَداسَه و بِبِر و بِدون لوم بينكُم إنتو المؤمِنين.

١ تَسَالُونِيكِي 5:22

كونو بَعيدين مِن كُلّو نوع الشَّر.