مَتَّى 10:1 - كِتاب العَهد الجَّديد مِن الكِتاب المُقَدَّس

¹ و نادى تَلاميذو الإتناشَر و أدّاهُم سُلطَه عَشان يَطَلِّعو الأرواح النَّجسَه و يَشفو كُلّو مَرَض و كُلّو عَيى.

مَتَّى 10:1 Iomraidhean Croise

مَتَّى 19:28

يَسُوع قال ليهُم: ”الحَق أنا بَقول ليكُم: في الزَّمَن الجَّديد، لَمّا إبن الإنسان يَقعُد عَلى كُرسي المَلِك في مَجدو، إنتو كَمان التَّبَعتوني بِتَقعُدو عَلى إتناشَر كُرسي، و تَحكُمو عَلى قَبايل إِسْرَائِيل الإتناشَر.

مَتَّى 26:20

و في المِسا، يَسُوع كان قاعِد في الطَّرَبيزَه مَعَ الإتناشَر تَلميذ.

مَتَّى 26:47

و وَكِت ما هو لِسَّع يتكَلَّم، يَهُوذَا، واحِد مِن الإتناشَر، وِصِل. و جَماعَه كَتيرَه كانو مَعاهو شايلين سُيوف و عَصايات، مُرَسَّلين مِن القُسُس الكُبار و شُيوخ النّاس.

مَتَّى 4:23

و يَسُوع كان ماشي في كُل الجَّليل، و بِعَلِّم في بِيوت الرَّب، و بِبَشِّر بِشارات المَلَكوت، و يَشيل كُلّو عَيى مِنَّهُم و كُلّو ضُعف في وَسط النّاس.

مَتَّى 6:13

و ما تَدَخِّلنا في تَجرِبَه، و لَكِن خَلِّصنا مِن الشَّرّير.

مَتَّى 9:35

و يَسُوع كان بِمشي في كُل المُدُن و البِلاد، و يَعَلِّم في بِيوت الرَّب و يَبَشِّر بِبِشارات المَلَكوت، و يَشفي كُلّو عَيى و كُلّو مَرَض في النّاس.

مَتَّى 9:38

و عَلى كِدا، أطلُبو مِن رَب الزِّراعَه عَشان يَرَسِّل شَغّالين لِحَصادو.“

لُوقَا 10:19

شوف! أنا أدّيتكُم السُّلطَه تَدوسو الدَّبايب و العَقارِب، و عَلى كُلّو قُدرَة العَدو. و ما في شي يَجرَحكُم.

لُوقَا 21:15

عَشان أنا بَدّيكُم كَلام و حِكمَه، و عُدوانكُم ما بِقدَرو يَغلِبو كَلامكُم ولّا يَعاكِسوهو.

لُوقَا 24:49

و شوفو، بَرَسِّل ليكُم وَعد أبوي. إستَنّو في أُورُشَلِيم لِغايَة ما تَلبَسو قُوَّه مِن فوق.“

لُوقَا 6:13

و لَمّا كان النَّهار، نادى تَلاميذو و إختار مِنَّهُم إتناشَر السَّمّاهُم كَمان رُسُل.

يُوحَنَّا 17:2

عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو.

يُوحَنَّا 3:27

يُوحَنَّا رَدَّ و قال ليهُم: ”ما في إنسان ياخُد حاجَه، إذا الله ما أدّاها ليهو مِن السَّما.

يُوحَنَّا 3:35

الأبو بِحِب الإبن. و خَتَّ كُلّو شي تِحِت سُلطتو.

يُوحَنَّا 6:70

يَسُوع قال ليهُم: ”أنا ما إختِرتَكُم الإتناشَر؟ و واحِد مِنَّكُم شيطان.“

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

أعمال الرُّسُل 19:15

و الرّوح الشَّرّير رَدَّ عَليهُم و قال: ”أنا بَعرِف يَسُوع و بَعرِف بُولُس، لَكِن إنتو، مِنو إنتو؟“

رؤيا 12:1

و عَلامَه عَظيمَه ظَهَرَت في السَّما: مَرَه هِدوما الشَّمِش، و تِحِت كِرعينا القَمَر، و تاج مِن إتناشَر نَجمَه عَلى راسا.