مَتَّى 1:21 - كِتاب العَهد الجَّديد مِن الكِتاب المُقَدَّس

²¹ و هي بِتَلِد وَلَد و إنتَ بِتسَمّيهو يَسُوع، عَلَشان هو بِخَلِّص النّاس بِتاعو مِن خَطاياهم.“

مَتَّى 1:21 Iomraidhean Croise

مَتَّى 1:25

و هو ما عِرِفا زي زوجَتو لِغايَة ما مَرْيَم وِلدَت وَلَدا. و هو سَمّاهو يَسُوع.

لُوقَا 1:13

و المَلاك قال ليهو: ”ما تَخاف، يا زَكَرِيَّا، عَشان الرَّب سِمِع الصَّلاه بِتاعَك، و مَرَتَك أَلِيصَابَات بِتَلِد ليك وَلَد، و بِتسَمّيهو يُوحَنَّا.

لُوقَا 1:31

و شوفي! إنتي بِتَحمَلي و بِتَلِدي وَلَد، و بِتسَمّيهو يَسُوع.

لُوقَا 2:11

إتوَلَد ليكُم النَّهار دا في مَدينَة دَاوُد مُخَلِّص، و هو الرَّب المَسيح.

لُوقَا 2:21

و لَمّا تَمَّت تَمانيَة أيام عَشان يَطَهِّروهو، سَمّوهو يَسُوع، زي ما سَمّاهو المَلاك قُبّال ما حِملَت بيهو أُمّو في بَطنَها.

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

يُوحَنَّا 4:42

و قالو لِلمَرَه: ”بَعَد دا نِحنا ما آمَنّا عَلَشان الكَلام بِتاعِك بَس، لَكِن عَشان نِحنا بِزاتنا سِمِعنا، و عِرِفنا إنّو دا هو بِالحَقيقَه المَسيح، مُخَلِّص الدُّنيا.“

أعمال الرُّسُل 13:23

و مِن أولاد الرّاجِل دا، الله جاب لِإِسْرَائِيل! حَسَب الوَعَد، يَسُوع المُخَلِّص.

أعمال الرُّسُل 3:26

عَشان الله بَعَد ما قَوَّم خَدّامو، رَسَّلو ليكُم في الأوَّل، فِشان يَبارِكُم و يَرَجِّع كُلّو واحِد مِنَّكُم مِن خَطاياهو.“

أعمال الرُّسُل 4:12

و ما في خَلاص بِأي واحِد تاني. عَشان في كُل الدُّنيا الله ما أدّا لِلنّاس إسِم تاني البيهو لازِم نَلقى الخَلاص.“

أعمال الرُّسُل 5:31

و الله رَفَعو بِيَمينو يَكون رَئيس و مُخَلِّص، عَشان يَدّي لِإِسْرَائِيل التّوبَه و غُفران الخَطايا.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 7:25

عَلَشان كِدا، هو بِقدَر يَخَلِّص بِالتَّمام ديل اليَقَرِّبو بيهو لِلَّه، عَلَشان هو دايماً يَعيش عَشان يِتوَسَّط ليهُم.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

١ يُوحَنَّا 3:5

و بِتَعرِفو هو ظَهَر عَشان يَشيل عَنّا خَطايانا، و ما فيهو خَطيَّه.

رؤيا 7:14

و قُلتَ: ”إنتَ بِتَعرِف، يا سيدي.“ و هو قال لَي: ”ديل هُم الجّو مِن الضّيق الكَبير، و غَسَّلو تيبانُم و عَمَلوها بيضَة في دَم الحَمَل.