لُوقَا 8:44 - كِتاب العَهد الجَّديد مِن الكِتاب المُقَدَّس

⁴⁴ هي جات مِن وَراهو و لِمسَت طَرَف توبو. و طَوّالي دَمّا وَقَف.

لُوقَا 8:44 Iomraidhean Croise

مَتَّى 20:34

و يَسُوع بِرَحمَه لِمِس عُيونُم، و طَوّالي قِدرو يَشوفو، و تِبِعوهو.

مَتَّى 8:3

و يَسُوع مَدَّ إيدو و لَمَسو و قال: ”أنا عاوِز. كون نَضيف.“ و طَوّالي بِقى نَضيف مِن جِزامو.

مَتَّى 9:20

و شوف! مَرَه، الدَّم كان بِنزِل مِنَّها لِمُدَّة إتناشَر سَنَه و هي كانَت تَعبانَه، جات لِيَسُوع مِن وَراهو و لِمسَت طَرَف توبو.

مَرْقُس 6:56

و في كُلّو مَحَل الهو جا ليهو، إذا حِلَّه، ولّا مَدينَه، ولّا مَحَلّات بَرَّه المُدُن، خَتّو العَيّانين في السّوق، و طَلَبو مِنّو يَخَلّيهُم يَلمَسو طَرف هِدومو بَس. و كُل اللِّمسوهو بِقو شُداد.

لُوقَا 13:13

و هو خَتَّ إيدينو عَليها، و طَوّالي وَقَفَت عَديل و مَجَّدَت الله.

لُوقَا 7:38

و وَقَفَت وَراهو عِند كِرعينو تَبكي. و بِقَت تَغَسِّل كِرعينو بِالدِّموع. و كانَت تَمسَحُم بِشَعَر راسا، و تَقَبِّل كِرعينو و تَدهِنُم بِالرِّيحَه.

لُوقَا 8:43

و كانَت في مَرَه الدَّم نَزَل مِنَّها مُدَّة إتناشَر سَنَه، و ما في واحِد قِدِر يَشفيها.

لُوقَا 8:45

و يَسُوع قال: ”مِنو لِمِسني؟“ و لَمّا كُلُّهُم نَكَرو، بُطْرُس و الكانو مَعاهو قالو: ”يا مُعَلِّم، النّاس يَقَرِّبو مِنَّك يَضايقوك، و إنتَ بِتقول: ’مِنو اللِمِسني؟“

يُوحَنَّا 5:13

لَكِن الرّاجِل البِقي طَيب ما كان بِيَعرِف هو مِنو، عَشان يَسُوع دَسَّ نَفسو عَشان كان في جَمَع في المَحَل دا.

أعمال الرُّسُل 19:12

حَتّى كانو ياخُدو لِلعَيّانين مَناديل و مَريَلات مِن جِسمو. و هُم بِقو طَيبين مِن أمراضُم، و الأرواح الشَّرّيرَه مَرَقو مِنَّهُم.

أعمال الرُّسُل 5:15

و النّاس كانو بِجيبو العَيّانين لِلسِّكَك، و بِخُتّوهُم عَلى عَناقريب و بُروش، عَلَشان إذا مُمكِن ضُل بُطْرُس يَقَع عَلى بَعض مِنَّهُم.