لُوقَا 8:30 - كِتاب العَهد الجَّديد مِن الكِتاب المُقَدَّس

³⁰ و يَسُوع سَألو: ”إسمَك شِنو؟“ و قال: ”لَجِيُون،“ عَشان شياطين كَتيرين كانو دَخَلو فيهو.

لُوقَا 8:30 Iomraidhean Croise

مَتَّى 26:53

تَفتَكِر أنا ما بَقدَر أطلُب مِن أبوي، و هو طَوّالي بِرَسِّل لَي أكتَر مِن إتناشَر فِرقَه مِن المَلائكَه؟

مَتَّى 4:24

و الخَبَر عَنّو مَشى لِكُلّو سُورِيَّه. و جابو ليهو كُل العَيّانين، و العِندَهُم أمراض مِن كُلّو نوع، و أوجاع، و الفيهُم شياطين، و النّاس العِندَهُم العَيى البِرميهُم، و المَفلوجين. و عَمَلُم طَيبين.

مَتَّى 8:29

و شوف! كورَكو و قالو: ”إنتَ عاوِز شِنو مَعانا، يا إبن الله؟ جيت هِنا عَشان تَتَعِّبنا قُبّال الوَكِت؟“

مَرْقُس 16:9

و بَعَد ما يَسُوع قام بَدري في أوَّل يوم مِن الأسبوع، ظَهَر في الأوَّل لِمَرْيَم المَجْدَلِيَّه. و قُبّال دا، يَسُوع كان مَرَّق مِنَّها سَبعَه شياطين.

مَرْقُس 5:9

و يَسُوع سَألو و قال: ”إسمَك شِنو؟“ قال: ”إسمي لِجِيون، فِشان نِحنا كَتيرين.“

لُوقَا 8:2

و كَمان بَعض مِن النِّسوان الهو شَفاهُم مِن أرواح شَرّيرَه و أمراض. مَرْيَم البِسَمّوها المَجْدَلِيَّه، الطَلَّع مِنَّها سَبعَه شياطين،

لُوقَا 8:29

عَشان هو أمَر الرّوح النَّجِس يَطلَع مِن الرّاجِل. عَشان مَرّات كَتيرَه كان يَمسِكو. و النّاس كانو يَحفَظوهو، و هو مَربوط بِجَنازِير. و لَكِن كان يَقطَع الرُّباط، و الشّيطان كان يَسوقو لِلخَلا.