لُوقَا 7:6 - كِتاب العَهد الجَّديد مِن الكِتاب المُقَدَّس

⁶ و يَسُوع مَشى مَعاهُم. و لَمّا ما كان بَعيد مِن البيت، رَئيس الجّيش رَسَّل ليهو أصحابو يَقول ليهو: ”يا رَب، ما تَتَعِّب نَفسَك، عَشان أنا ما بَستَحِق إنتَ تَدخُل بيتي.

لُوقَا 7:6 Iomraidhean Croise

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

مَتَّى 3:11

أنا بَعَمِّدكُم بِمويَه لِلتّوبَه. و لَكِن هو البِجي بَعَدي قَوّي مِنّي. و أنا ما كوَيس حَتّى أشيل جِزَمو. هو بِعَمِّدكُم بِالرّوح القُدُس و النّار.

مَرْقُس 5:24

و مَشى مَعاهو. و ناس كُتار تَبَعوهو و قَرَّبو ليهو.

لُوقَا 5:8

و سِمْعَان بُطْرُس لَمّا شاف كِدا، رَكَع عِند رُكبَتين يَسُوع و قال: ”أمشي، يا رَب، عَشان أنا راجِل خاطي.“

لُوقَا 7:4

و لَمّا جو لِيَسُوع، سألوهو كَتير و قالو: ”هو بِستَحِق تَعمِل ليهو دا.

لُوقَا 7:5

عَشان بِحِب الشَّعب بِتاعنا، و هو زاتو بَنى لينا بيت الرَّب.“

لُوقَا 7:7

و عَشان كِدا، ما حَسبتَ نَفسي مُستَحِق أجي ليك. و لَكِن قول كِلمَه و خَدّامي يَكون طَيب.

لُوقَا 8:49

و وَكِت ما كان بِتكَلَّم، واحِد جا مِن بيت رَئيس بيت الرَّب، و قال ليهو: ”بِتَّك ماتَت. ما تَتَعِّب المُعَلِّم بَعَد دا.“

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

يَعْقُوب 4:10

كونو مِتواضِعين قِدّام الرَّب، و هو بِرفَعكُم.

يَعْقُوب 4:6

لَكِن هُوَ يَدّي نِعمَه زِيادَه. عَشان كِدا، الكِتاب يَقول: ”الله يَقاوِم المَتكَبِّرين، و لَكِن يَدّي نِعمَه لِلمِتواضِعين.“