لُوقَا 6:45 - كِتاب العَهد الجَّديد مِن الكِتاب المُقَدَّس

⁴⁵ الزّول الصّالِح مِن كَنز قَلبو الصّالِح يَطَلِّع حاجات صالحَه. و الزّول الشَّرّير مِن كَنز قَلبو الشَرِّير يَطَلِّع حاجات شَرّيرَه. عَشان مِن الكِترَت الفي قَلبو، خَشمو بِتكَلَّم.

لُوقَا 6:45 Iomraidhean Croise

يُوحَنَّا 7:38

البِآمِن بي زي ما قال الكِتاب، بَحَر مويَه حَيَّه يَجري مِن بَطنو،“

أعمال الرُّسُل 5:3

و بُطْرُس قال: ”يا حَنانيّا، لِشِنو الشّيطان مَلا قَلبَك حَتّى تَكَضِّب عَلى الرّوح القُدُس، و تاخُد جُزو مِن تَمَن الزِّراعَه لِنَفسَك؟

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

أفَسُس 4:29

ما تَخَلّو كَلام بَطّال يَمرُق مِن خُشومكُم، لَكِن كَلام كوَيس البِساعِد، عَشان يَدّي نِعمَه لِلنّاس اليَسمَعو.

أفَسُس 5:19

و تِتكَلَّمو بَعضَكُم بَعض بِمَزامير و حَمد و تَرتيلات روحيَّه و تَرَتِّلو و تَعمِلو مُزيكا في قُلوبكُم لِلرَّب.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

كُولُوسِّي 4:6

خَلّو كَلامكُم دايماً يَكون بِنِعمَه، زي الأكل الفيهو مِلِح، عَلَشان تَعرِفو كيف تَرُدّو كوَيس عَلى كُلّو واحِد.

عِبرانيين 8:10

أهو دا الإتِّفاق الأنا بَتَّفِق مَعَ أهل بيت إِسْرَائِيل بَعَد الأيام ديلاك، يَقول الرَّب. أنا بَخُت قَوانيني في عُقولُم، و بَكتِبا عَلى قُلوبُم. و بَكون ليهُم الله، و هُم بِكونو لَي شَعب.

يَهُوذَا 1:15

و هو جا عَشان يَحكُم عَلى الكُل، و يَوَبِّخ كُل الشَّرّيرين لِكُلّو أعمالُم الشَّرّيرَه العَمَلوها بِالشَّر. و هو يَوَبِّخُم لِكُل الكِلمات الصَّعبَه الإتكَلَّمو بيها الخاطيين الشَّرّيرين.“