لُوقَا 6:30 - كِتاب العَهد الجَّديد مِن الكِتاب المُقَدَّس

³⁰ و كُلّو واحِد اليَطلُب مِنَّك، أدّيهو. و الياخُد مالَك، ما تَطلُبو مِنّو تاني.

لُوقَا 6:30 Iomraidhean Croise

مَتَّى 18:35

و كَمان أبوي بيَعمِل زي دا لِكُلّو واحِد مِنَّكُم إذا ما يَغفِر لِأخوهو مِن قَلبو.“

مَتَّى 5:39

و لَكِن أنا أقول ليكُم، ما تَشاكِلو زول بَطّال. و لَكِن إذا أي واحِد يَضرُبَك في وَشَّك اليَمين، أقلِب ليهو التّاني كَمان.

مَتَّى 6:12

و أغفِر لينا خَطايانا زي ما نِحنا كَمان غَفَرنا لِليَخطو لينا.

لُوقَا 11:41

لَكِن أدّو مِن قُلوبكُم لِلمَساكين. و شوفو! كُلّو شي يَبقى نَضيف ليكُم.

لُوقَا 12:33

بيعو الحاجات العِندَكُم، و أدّو لِلمَساكين. و أعمِلو ليكُم أكياس الما بِتشَرَّطو، و كَنز في السَّما الما بِتَخلَص، و الحَرامي ما يَقدَر يَقَرِّبو ليهو، و السوس ما ياكلو.

لُوقَا 18:22

و لَمّا يَسُوع سِمِع دا، قال ليهو: ”لِسَّع ناقِص ليك حاجَه واحدَه. بيع كُل العِندَك، و قَسِّمو بين المَساكين، و بِكون عِندَك كَنز في السَّما. و تَعال، أتبَعني.“

لُوقَا 6:29

اليَضرُبَك عَلى جَمب واحِد مِن وَشَّك، أقلِب ليهو التّاني كَمان. و الياخُد بَدَلَك، ما تابا تَدّيهو قَميصَك كَمان.

لُوقَا 6:31

و زي ما إنتو عاوِزين النّاس يَعمِلو بيكُم، أعمِلو إنتو بيهُم كِدا.

لُوقَا 6:38

أدّو، و بِدّوكُم. كيله كوَيسَه، مَوَزَّنَه تَمام، مَحظوظَه، مَليانَه، يَدُّوكُم في إيدينكُم. عَشان الكيلَه الإنتو تَدّوها، بِتكون الكيلَه الهُم بِدّوكُم.“

أعمال الرُّسُل 20:35

و وَرّيتكُم في كُلّو حاجَه كيف لازِم نَتعَب لِنَساعِد الضَّعيفين، و نِزَكَّر كِلمات الرَّب يَسُوع القال: ’هو البِدّي بِكون مُبارَك أكتَر مِن البِقبَل.“

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

أفَسُس 4:28

ما تَخَلّي الكان بِسرِق يَسرِق تاني مَرَّه. لَكِن خَليهو يَشتَغِل بِإيدينو حاجَه طَيبَه، عَشان بِكون عِندو حاجَه عَشان يَدّي لِلزّول العِندو إحتِياج.