لُوقَا 6:27 - كِتاب العَهد الجَّديد مِن الكِتاب المُقَدَّس

²⁷ لَكِن أقول ليكُم، يا ناس السامِعين. حِبّو عُدوانكُم. و أعمِلو كوَيس لِلنّاس البِكرَهوكُم.

لُوقَا 6:27 Iomraidhean Croise

مَرْقُس 4:24

و قال ليهُم: ”خَلّو بالكُم لِلإنتو تَسمَعو. الكيلَه الإنتو تَدّوها، بِتكون الكيلَه الهُم بِدّوكُم إنتو، و زِيادَه.

لُوقَا 23:34

و يَسُوع قال: ”يا أبوي، أغفِر ليهُم، عَشان هُم ما عارِفين شِنو العَمَلوهو.“ و وَكِت هُم قَسَمو هِدومو، رَمو عَليهو القُرعَه.

لُوقَا 6:22

مُبارَكين لَمّا النّاس بِكرَهوكُم، و ما بِقعُدو مَعاكُم و بِشتِموكُم، و بِطَلِّعو عَليكُم إسم بَطّال عَشان إبن الإنسان.

لُوقَا 6:35

لَكِن حِبّو عُدوانكُم، و أعمِلو الخير ليهُم و أدّو سُلفَه، و ما تَنتَظِرو حاجَه. و أُجرَتكُم تَكون كَبيرَه، و إنتو تَكونو أولاد الله العالي. عَشان هو عِندو نِعمَه لِلما يَشكُروهو و الشَّرّيرين.

لُوقَا 8:15

و الفي الأرض الكوَيسَه، هُم البِقَلِب كوَيس و صالِح، بَعَد ما سِمِعو الكِلمَه، يَحفَظوها، و يَجيبو ثِمار بِالصَّبر.

لُوقَا 8:18

عَلى كِدا، خَلّو بالكُم بِتَسمَعو كيف. عَشان العِندو يَدُّوهو. و الما عِندو، حَتّى البِفتَكِر هو عِندو، يَاخُدوهو مِنّو.“

لُوقَا 8:8

و تاني وَقَع عَلى الأرض الكوَيسَه. و لَمّا قام، جاب ثِمار بِمِيَّة مَرَّه.“ و وَكِت كان بِتكَلَّم كِدا، نادى و قال: ”العِندو إضنين لِلسَّمَع، خَليهو يَسمَع.“

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

أعمال الرُّسُل 16:28

لَكِن بُولُس ناداهو بِصوت عالي و قال: ”ما تَعمِل لِنَفسَك حاجَه بَطّالَه. كُلُّنا في هِنا.“

أعمال الرُّسُل 7:60

و بَعَد دا، وَقَع عَلى رُكبَتيهو و كورَك بِصوت عالي: ”يا رَب، ما تَخُت الخَطيَّه دي لِحِسابُم.“ و لَمّا قال كِدا، هو نام.

غَلَاطِيَّه 6:10

عَلَشان كِدا، نَعمِل الخير لِكُل النّاس، زي ما عِندَنا فُرصَه، و فوق كُلّو شي، لِأهل الإيمان.

١ تَسَالُونِيكِي 5:15

شوفو عَشان واحِد ما يَرَجِّع لِلتاني الشَّر بِالشَّر. لَكِن كُلّو وَكِت أتبَعو الخير بَعضَكُم مَعَ بَعض و مَعَ الكُل.

٣ يُوحَنَّا 1:11

يا حَبيبي، ما تَتبَع الشَّر، لَكِن الخير. البِعمِل الخير هو مِن الله، و البِعمِل الشَّر هو ما شاف الله.