لُوقَا 6:13 - كِتاب العَهد الجَّديد مِن الكِتاب المُقَدَّس

¹³ و لَمّا كان النَّهار، نادى تَلاميذو و إختار مِنَّهُم إتناشَر السَّمّاهُم كَمان رُسُل.

لُوقَا 6:13 Iomraidhean Croise

مَتَّى 10:2

أهُم ديل أسامي الإتناشَر رَسول: الأوَّل، سِمْعَان السَّمّوهو بُطْرُس، و أنْدَرَاوُس أخوهو. و يَعْقُوب، إبن زَبَدي، و يُوحَنَّا أخوهو.

مَتَّى 19:28

يَسُوع قال ليهُم: ”الحَق أنا بَقول ليكُم: في الزَّمَن الجَّديد، لَمّا إبن الإنسان يَقعُد عَلى كُرسي المَلِك في مَجدو، إنتو كَمان التَّبَعتوني بِتَقعُدو عَلى إتناشَر كُرسي، و تَحكُمو عَلى قَبايل إِسْرَائِيل الإتناشَر.

مَتَّى 9:36

و لَمّا شاف الجُّموع، كان عِندو رَحمَه ليهُم في قَلبو، عَشان كانو تَعبانين و كانو بِدون مُساعَدَه زي خِرفان بِدون راعي.

مَرْقُس 6:30

و الرُّسُل رَجَعو لِيَسُوع، و خَبَّروهو بِكُلّو شي، كُل العَمَلوهو و كُل العَلَّموهو.

مَرْقُس 6:7

و نادى الإتناشَر و بِقى يَرَسِّلُم إتنين إتنين. و أدّاهُم سُلطَه عَلى الأرواح النَّجسَه.

لُوقَا 11:49

عَشان كِدا، حِكمَة الله قالَت: بَرَسِّل ليهُم أنبياء و رُسُل، و يَكتُلو و يَطرودو بَعض مِنَّهُم.

لُوقَا 22:30

عَشان تَاكُلو و تَشرَبو في طَرَبيزَتي في مَلَكوتي، و تَقعُدو عَلى كَراسي و تَحكُمو عَلى قَبايل إِسْرَائِيل الإتناشَر.

لُوقَا 6:14

سِمْعَان السَّمَّاهو كَمان بُطْرُس، و أنْدَرَاوُس أخوهو، و يَعْقُوب و يُوحَنَّا، و فِيلُبُّس، و بَرْثُلَمَاوُس،

يُوحَنَّا 4:33

و التَّلاميذ قالو بَعضَهُم لِبَعض: ”يِمكِن زول جاب ليهو شي عَشان ياكلو.“

أعمال الرُّسُل 1:13

و لَمّا دَخَلو المَدينَه، طَلَعو لِلأوضَه الفي فوق، الكانو بِقعُدو فيها. و هُم بُطْرُس و يُوحَنَّا و يَعْقُوب و أنْدَرَاوُس و فِيلُبُّس و تُومَا و بَرْثُلْمَاوُس و مَتَّى و يَعْقُوب وَلَد حَلْفَى و سِمْعَان الغَيُور و يَهُوذَا وَلَد يَعْقُوب.

أفَسُس 2:20

و هو بَناكُم عَلى أساس الرُّسُل و الأنبياء، و يَسُوع المَسيح نَفسو، الحَجَر، الهو راس الرُّكن.

أفَسُس 4:11

و هو أدّا البَعض يَكونو رُسُل، و البَعض، أنبياء، و البَعض، مُبَشِّرين، و البَعض، رُعاه و مُعَلِّمين.

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

٢ بُطْرُس 3:2

أنا عاوِزكُم تِتزَكَّرو كِلمات الأنبياء القِدِّسين الإتكَلَّمو بيها مِن قُبّال، و أمر الرَّب و المُخَلِّص الجّا ليكُم بِرُسُلكُم.

رؤيا 12:1

و عَلامَه عَظيمَه ظَهَرَت في السَّما: مَرَه هِدوما الشَّمِش، و تِحِت كِرعينا القَمَر، و تاج مِن إتناشَر نَجمَه عَلى راسا.

رؤيا 18:20

أفرَحي بيها، يا سَما! أفرَحو، يا قِدِّيسين و رُسُل و أنبياء! عَشان الله حَكَم عَليها فِشان خاطِركُم.“

رؤيا 21:14

و حيطَة المَدينَه عِندَها إتناشَر أساس، و عَليهُم أسامي رُسُل الحَمَل الإتناشَر.