لُوقَا 5:5 - كِتاب العَهد الجَّديد مِن الكِتاب المُقَدَّس

⁵ و سِمْعَان رَدَّ و قال: ”يا مُعَلِّم، تِعِبنا طول اللّيل و ما لِقينا حاجَه. لَكِن عَلى كَلامَك، بَنَزِّل الشَّبَكات.“

لُوقَا 5:5 Iomraidhean Croise

لُوقَا 17:13

و كورَكو و قالو: ”يا يَسُوع، يا سَيِّد، أرحَمنا!“

لُوقَا 8:24

و جو ليهو و قَوَّموهو مِن النّوم و قالو: ”يا مُعَلِّم، يا مُعَلِّم، نِحنا ماشين نَموت!“ و قام مِن النّوم و وَبَّخ الهَبوب و أمواج البَحَر. و الهَبوب سَكَتَت، و كان في سُكوت.

لُوقَا 8:45

و يَسُوع قال: ”مِنو لِمِسني؟“ و لَمّا كُلُّهُم نَكَرو، بُطْرُس و الكانو مَعاهو قالو: ”يا مُعَلِّم، النّاس يَقَرِّبو مِنَّك يَضايقوك، و إنتَ بِتقول: ’مِنو اللِمِسني؟“

لُوقَا 9:33

و حَصَل لَمّا الراجلين كانو يَمشو مِن يَسُوع، بُطْرُس قال لِيَسُوع: ”يا مُعَلِّم، كوَيس نَكون هِنا. خَلّينا نَعمِل تلاتَه خيام، واحدَه ليك و واحدَه لِمُوسَى و واحدَه لِإِيلِيَّا.“ و هو ما عارِف البِقولو.

لُوقَا 9:49

و يُوحَنَّا رَدَّ و قال: ”يا مُعَلِّم! شُفنا زول يَطَلِّع شياطين بِإسمَك، و مَنَعناهو، عَشان ما يَتبَع مَعانا.“

يُوحَنَّا 15:14

إنتو مَحبوبين لَي إذا تَعمِلو زي ما بأمُركُم.

يُوحَنَّا 2:5

و أُمّو قالَت لِلخَدّامين: ”البِقولو ليكُم، أعمِلوهو.“

يُوحَنَّا 21:3

و سِمْعَان بُطْرُس قال ليهُم: ”أنا ماشي أصيّد.“ قالو ليهو: ”نِحنا كَمان نَمشي مَعاك.“ و مَرَقو و رِكبو المُركَب. لَكِن في اللّيلَه دي، ما مَسَكو حاجَه.