لُوقَا 5:30 - كِتاب العَهد الجَّديد مِن الكِتاب المُقَدَّس

³⁰ و الفَرّيسيّين و مُعَلِّمين القانون نَقنَقو عَلى تَلاميذو و قالو: ”لِشِنو بِتاكلو و بِتَشرَبو مَعَ البِلِمّو الضَّريبَه و الخاطيين؟“

لُوقَا 5:30 Iomraidhean Croise

مَتَّى 5:46

فِشان إذا إنتو بِتحِبّو البِحِبّوكُم، الأُجرَه بِتاعَتكُم شِنو؟ النّاس البِلِمّو الطُلبَه ما يَعمِلو زي دا كَمان؟

مَتَّى 9:11

و لَمّا الفَرّيسيّين شافو دا، قالو لِتَلاميذو: ”لِشِنو مُعَلِّمكُم ياكُل مَعَ النّاس البِلِمّو الضَّريبَه و الخاطيين؟“

مَرْقُس 2:16

و لَمّا مُعَلِّمين القانون مِن الفَرِّيسِيِّين شافو هو كان ياكُل مَعَ الخاطيين و البِلِمّو الضَّريبَه، قالو لِتَلاميذو: ”لِشِنو هو ياكُل و يَشرَب مَعَ البِلِمّو الضَّريبَه و الخاطيين؟“

مَرْقُس 7:3

عَلَشان الفَرِّيسِيِّين و كُل اليَهود ما ياكُلو إلّا يَغَسِّلو إيدينُم حَتّى الكوعين، عَشان يَحفَظو عادَة الشُّيوخ.

مَرْقُس 9:16

و هو سألُم و قال: ”تِتكَلَّمو مَعاهُم عَن شِنو؟“

لُوقَا 18:11

و الفرِّيسي وَقَف يَصَلّي في نَفسو كِدا: يا الله، أشكُرَك عَشان أنا ما زي باقي النّاس، الحَراميَّه، و الظّالِمين، و الزانين، و لا زي الرّاجِل دا، البِلِم الضَّريبَه.

لُوقَا 19:7

و لَمّا كُل النّاس شافو دا، نَقنَقو و قالو: ”هو زي ضيف دَخَل عِند راجِل خاطي.“

لُوقَا 5:17

و في يوم مِن الأيام كان يَعَلِّم. و كانو فَرّيسيِّين و مُعَلِّمين القانون قاعِدين، و هُم جو مِن كُلّو حِلَّه مِن الجَّليل و اليَهُودِيَّه و أُورُشَلِيم. و قُدرَة الرَّب كانَت مَعاهو عَشان يَشفيهُم.

لُوقَا 5:21

و مُعَلِّمين القانون و الفَرّيسيّين بِقو يَفَكِّرو و يَقولو: ”مِنو دا البِتكَلَّم بِشَتيمَه؟ مِنو يَقدَر يَغفِر الخَطايا إلّا الله واحدو؟“

لُوقَا 7:34

إبن الإنسان جا ياكُل و يَشرَب، و إنتو بِتقولو: شوف! دا راجِل بياكُل كَتير و شَرّاب خَمر، و بِحِب البِلِمّو الضَّريبَه و الخاطيين.

لُوقَا 7:39

و لَمّا شاف كِدا، الفرِّيسي الناداهو قال في نَفسو: ”الرّاجِل دا إذا نَبي كان عِرِف مِنو المَرَه دي، و مِنو هي البِتَلمَسو إنَّها خَاطيَه.“

أعمال الرُّسُل 23:9

و كان في كوراك شَديد. و قامو بَعض مِن مُعَلِّمين القانون، قِسِم الفَرِّيسِيِّين، و إتشاكَلو شَديد، و قالو: ”ما بِنَلقى في الإنسان دا شَر. و إذا روح ولّا مَلاك كَلَّمو، دا شِنو لينا؟“