لُوقَا 5:24 - كِتاب العَهد الجَّديد مِن الكِتاب المُقَدَّس

²⁴ و لَكِن عَشان تَعرِفو إبن الإنسان عِندو قُدرَه عَلى الأرض أن يَغفِر الخَطايا،“ قال لِلمَفلوج: ”أقول ليك، قوم، و شيل فَرشَتَك، و أمشي لِبيتَك!“

لُوقَا 5:24 Iomraidhean Croise

مَتَّى 16:13

و لَمّا يَسُوع جا لِقِسم قَيْصَرِيَّه فِيلِبُّس، سأل تَلاميذو و قال: ”النّاس بِقولو إبن الإنسان مِنو؟“

مَتَّى 25:31

لَمّا إبن الإنسان بِجي في مَجدو، و كُل المَلائكَه مَعاهو، في الوَكِت داك بِيَقعُد عَلى كُرسي مَجدو.

مَتَّى 26:64

يَسُوع قال ليهو: ”إنتَ قُلتَ. و كَمان، أقول ليكُم، بَعدين بِتشوفو إبن الإنسان قاعِد عَن يَمين القُدرَه، و جاي عَلى سَحاب السَّما.“

مَتَّى 28:18

و يَسُوع قَرَّب ليهُم و قال: ”الله أدّا لَي كُلّو سُلطَه في السَّما و عَلى الأرض.

مَتَّى 4:24

و الخَبَر عَنّو مَشى لِكُلّو سُورِيَّه. و جابو ليهو كُل العَيّانين، و العِندَهُم أمراض مِن كُلّو نوع، و أوجاع، و الفيهُم شياطين، و النّاس العِندَهُم العَيى البِرميهُم، و المَفلوجين. و عَمَلُم طَيبين.

مَتَّى 9:6

و لَكِن حَتّى بِتَعرِفو إبن الإنسان عِندو سُلطَه عَلى الأرض أن يَغفِر الخَطايا“... بَعدين قال لِلمَفلوج: ”قوم، شيل بِرشَك، و أمشي لِبيتَك.“

لُوقَا 5:13

و مَدَّ إيدو و لِمِسو و قال: ”أنا داير. كون نَضيف!“ و طَوّالي الجِّزام مَرَق مِنّو.

لُوقَا 5:18

و شوف! جو رُجال شايلين عَلى فَرشَتو زول كان مَفلوج. و جَرَّبو يَدَخِّلوهو و يَخُتّوهو قِدّامو.

لُوقَا 5:23

ياتو أسهَل، بَقول ليهو: خَطاياك مَغفورَه ليك؟ ولّا بَقول ليهو: قوم و أمشي؟

لُوقَا 7:14

و قَرَّب و لَمَس العَنقَرِيب، و الشايلينو وَقَفو. و يَسُوع قال: ”يا شاب، أقول ليك، قوم!“

لُوقَا 8:54

لَكِن هو مَسَك إيدا و نادى و قال: ”يا بِت، قومي!“

يُوحَنَّا 11:43

و لَمّا قال دا، كورَك بِصوت عالي: ”لَعَازَر، أمرُق بَرَّه!“

يُوحَنَّا 17:2

عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو.

يُوحَنَّا 3:13

ما في واحِد طَلَع لِلسَّما إلّا هو النَّزَل مِن السَّما، يَعني إبن الإنسان الفي السَّما.

يُوحَنَّا 5:27

و أدّاهو سُلطَه أن يَحكُم كَمان، عَشان هو إبن الإنسان.

أعمال الرُّسُل 14:10

و قال بِصوت عالي: ”قوم عَلى كِرعينَك!“ و الرّاجِل نَطَّ و إبتَدا يَمشي.

أعمال الرُّسُل 5:31

و الله رَفَعو بِيَمينو يَكون رَئيس و مُخَلِّص، عَشان يَدّي لِإِسْرَائِيل التّوبَه و غُفران الخَطايا.

أعمال الرُّسُل 9:34

و بُطْرُس قال ليهو: ”يا إينياس، يَسُوع المَسيح يَشفيك. قوم، و فَرِّش عَنقَرِيبَك.“ و هو قام طَوّالي.

أعمال الرُّسُل 9:40

و بُطْرُس مَرَّق كُلُّهُم بَرَّه و رَكَع عَلى رُكبَتيهو و صَلّى. و بَعَد دا، إتلَفَت لِلجِّسِم و قال: ”يا طابيثا، قومي.“ و هي فَتَحَت عُيونا، و لَمّا شافَت بُطْرُس، قَعَدت.

رؤيا 1:13

و في وَسِط السَّبعَه مَناوِر، واحِد زي إبن إنسان، كان لابِس توب يَمشي تِحِت لِكِرعينو، و مَربوط حَول صَدرو بِحِزام مِن دَهَب.