لُوقَا 4:35 - كِتاب العَهد الجَّديد مِن الكِتاب المُقَدَّس

³⁵ و يَسُوع وَبَّخو و قال: ”أسكُت، و أمرُق مِنّو!“ و بَعَد ما الشّيطان رَماهو في الوَسِط، طَلَع مِنّو بِدون ما يَجرَحو.

لُوقَا 4:35 Iomraidhean Croise

مَتَّى 17:18

و يَسُوع كَلَّمو شَديد، و الشّيطان طَلَع مِنّو. و الوَلَد بِقى طَيب طَوّالي.

مَتَّى 8:26

و هو قال ليهُم: ”يا ناس الإيمانكُم ناقِص، إنتو خايفين لِشِنو؟“ بَعدين قام و أمَر الهَبوب و البَحَر بِشِدَّه، و هُم سَكَتو بِالتَّمام.

مَرْقُس 1:26

و روح النَّجِس هَزّو شَديد، و كورَك بِصوت عالي، و طَلَع مِنّو.

مَرْقُس 4:39

و قام مِن النّوم، و وَبَّخ الهَبوب، و قال لِلبَحَر: ”أسكُت ساكِت.“ و الهَبوب سَكَتَت، و كان في سُكوت كَبير.

مَرْقُس 9:26

و كورَك، و رَماهو بِشِدَّه، و طَلَع مِنّو. و الوَلَد كان زي المَيِّت، و عَلَشان كِدا، كَتير مِن النّاس قالو: ”هو مات.“

لُوقَا 11:22

و لَكِن لَمّا يَجي واحِد قَوّي مِنّو، و يَغلِبو، هو ياخُد سِلاحو الكامِل الكان عِندو إيمان فيهو، و يَقَسِّم حاجاتو.

لُوقَا 4:23

و قال ليهُم: ”عَلى كُلّو حال تَقولو لَي المَثَل دا: يا حَكيم، أشفي نَفسَك. سِمِعنا كَتير عَن الحَصَل في كَفْرَنَاحُوم. أعمِلا هِنا كَمان في بَلَدَك.“

لُوقَا 4:39

و وَقَف قِدّاما و وَبَّخ الحُمَّه، و الحُمَّه فاتَت مِنَّها. و طَوّالي هي قامَت و إشتَغَلَت.

لُوقَا 4:41

و كَمان شياطين مَرَقو مِن كُتار مِنَّهُم و كورَكو و قالو: ”إنتَ إبن الله.“ و وَبَّخُم و ما خَلّاهُم يِتكَلَمو، عَشان عِرفوهو هو المَسيح.

لُوقَا 8:24

و جو ليهو و قَوَّموهو مِن النّوم و قالو: ”يا مُعَلِّم، يا مُعَلِّم، نِحنا ماشين نَموت!“ و قام مِن النّوم و وَبَّخ الهَبوب و أمواج البَحَر. و الهَبوب سَكَتَت، و كان في سُكوت.

لُوقَا 9:39

و شوف! روح بيَمسِكو، و طَوّالي هو بِكورِك و بِتحَرَّك كَتير لِغايَة ما يَزَبِّد. و هو يَخَلِيهو بِصُعوبَه، و يَخَسِّر جِسمو.

لُوقَا 9:42

و وَكِت هو جاي، الشّيطان رَماهو و جِسمو كان بِهِز. لَكِن يَسُوع وَبَّخ الرّوح النَّجِس و شَفى الوَلَد، و سَلَّمو لِأبوهو.

رؤيا 12:12

عَلَشان كِدا أفرَحو، يا سَمَوات و إنتو السّاكِنين فيها! و مُصيبَه لِلأرض و لِلبَحَر، عَشان إبْلِيس نَزَل ليكُم. و غَضَبو عَظيم، عَلَشانو بِيَعرِف عِندو وَكِت قِصَير!“