لُوقَا 3:22 - كِتاب العَهد الجَّديد مِن الكِتاب المُقَدَّس

²² و الرّوح القُدُس نَزَل عَليهو في شَكِل جِسم زي حَمامَه. و جا صوت مِن السَّما يَقول: ”إنتَ إبني الحَبيب، و أنا مَبسوط مِنَّك.“

لُوقَا 3:22 Iomraidhean Croise

مَتَّى 12:18

”شوف! خَدّامي الأنا إختِرتو، حَبيبي الأنا مَبسوط بيهو. بَخُت روحي عَليهو، و هو بِخَبِّر ناس الدُّنيا بِالعدل.

مَتَّى 17:5

و وَكِت ما كان لِسَّع يتكَلَّم، شوف! سَحابَه لامعَه عَمَلَت ضُل عَليهُم. و صوت مِن السَّحابَه قال: ”دا هو إبني الحَبيب، و أنا مَبسوط مِنّو. أسمَعو ليهو.“

مَتَّى 27:43

هو صَدَّق بِالله. خَلّي الله يَخَلِّصو هَسَّع إذا هو يَحِبّو، عَشان هو قال: أنا إبن الله.“

مَتَّى 3:13

بَعَد دا، يَسُوع جا مِن الجَّليل لِلأُرْدُنّ لِيُوحَنَّا عَشان يِتعَمَّد مِنّو.

مَتَّى 3:16

و لَمّا يُوحَنَّا عَمَّد يَسُوع، هو طَلَع طَوّالي مِن المويَه. و شوف، السَّما إنفَتَحَت، و هو شاف روح الله نازِل زي حَمامَه، و جاي فوقو.

مَتَّى 3:17

و شوف، جا صوت مِن السَّما و قال: ”دا هو إبني الحَبيب، و أنا مَبسوط بيهو.“

مَرْقُس 1:11

و صوت جا مِن السَّما و قال ليهو: ”إنتَ إبني الحَبيب، و أنا مَبسوط مِنَّك.“

مَرْقُس 1:9

و في الأيام ديل، يَسُوع جا مِن نَاصِرَه الفي الجَّليل، و يُوحَنَّا عَمَّدو في الأُرْدُنّ.

مَرْقُس 9:7

و سَحابَه غَطَّتُم، و صوت جا مِن السَّحابَه و قال: ”دا هو إبني الحَبيب. أسمَعو ليهو.“

لُوقَا 2:14

”المَجد لِلَّه في السَّما، و عَلى الأرض السَّلام بين النّاس الهو مَبسوط مِنَّهُم.“

لُوقَا 4:21

و إبتَدا يَقول ليهُم: ”النَّهار دا، تَمَّ المَكتوب زي ما سِمِعتو بِإضنينكُم.“

يُوحَنَّا 1:32

و يُوحَنَّا شِهِد و قال: ”أنا شُفتَ الرّوح نازِل زي حَمامَه مِن السَّما، و قَعَد عَليهو.

يُوحَنَّا 12:28

يا أبوي، مَجِّد إسمَك.“ بَعدين جا صوت مِن السَّما و قال: ”مَجَّدتو، و بَمَجِّدو كَمان.“

يُوحَنَّا 5:37

و الأبو نَفسو الرَّسَّلني يَشهَد لَي، و إنتو ما سِمِعتو صوتو أبَداً، و ما شُفتو شَكلو.

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

كُولُوسِّي 1:13

عَشان هو شالنا مِن سُلطَة الضُّلُمَّه، و جابنا لِمَلَكوت إبن مَحَبَّتو،

١ بُطْرُس 2:4

قَرِّبو ليهو، لِلحَجَر الحَي، المَرفوض مِن النّاس، و لَكِن المُختار مِن الله و مُحتِرَم ليهو.