لُوقَا 24:44 - كِتاب العَهد الجَّديد مِن الكِتاب المُقَدَّس

⁴⁴ بَعدين هو قال ليهُم: ”شوفو! دا الكَلام الكَلَّمتَكُم بيهو وَكِت أنا كُنتَ مَعاكُم، إنّو كُل المَكتوب عَنّي في قانون مُوسَى و الأنبياء و المَزامير لازِم يَتِم.“

لُوقَا 24:44 Iomraidhean Croise

مَتَّى 1:22

و كُلّو دا كان عَلَشان يَتِم الكَلام الرَّب قال بِالنَّبي:

مَتَّى 16:21

مِن الوَكِت دا، يَسُوع المَسيح بَدا يَوَرّي تَلاميذو هو لازِم يَمشي لِأُورُشَلِيم و بِتعَب كَتير مِن الشُّيوخ و القُسُس الكُبار و مُعَلِّمين القانون، و بِيَكتُلوهو، و في اليوم التّالِت بِقوم.

مَتَّى 26:54

لَكِن كيف بِتِم المَكتوب في الكُتُب البِقولو إنّو لازِم بِكون كِدا؟“

مَتَّى 26:56

و لَكِن كُلّو دا حَصَل عَشان بِتَكمَل كُتُب الأنبياء.“ بَعدين كُل التَّلاميذ خَلّوهو و هَرَبو.

مَرْقُس 9:31

عَشان كان يَعَلِّم تَلاميذو و يَقول ليهُم: ”إبن الإنسان يَسَلِّموهو لِإيدين النّاس. و هُم بِيَكتُلوهو. و لَمّا يَكتُلوهو، بِقوم بَعَد تَلاتَة أيام.“

لُوقَا 21:22

دا وَكِت الإنتِقام، عَشان كُل المَكتوب يَتِم.

لُوقَا 22:37

عَشان أنا بَقول ليكُم: المَكتوب دا لازِم يَتِم فيني اليَقول: حَسَبوهو مَعَ الما يَحفَظو القانون. أيوَه، المَكتوب عَنّي بِتِم.“

لُوقَا 24:46

و هو قال ليهُم: ”مَكتوب كِدا إنّو المَسيح لازِم يِتوَجَّع و يَقوم مِن بين المَيِّتين في اليوم التّالِت.

لُوقَا 9:22

و قال: ”إبن الإنسان لازِم يِتعَذَب كَتير. و الشُّيوخ، و القُسُس الكُبار، و مُعَلِّمين القانون بِرفُضوهو و بِكتُلوهو. و في اليوم التّالِت هو بِقوم.“

لُوقَا 9:44

”خَلّو الكَلام دا يَكون في إضنينكُم! عَشان إبن الإنسان يِتسَلَّم لِإيدين النّاس.“

يُوحَنَّا 3:14

و زي ما مُوسَى رَفَع الدَّبيب في الخَلا، كَمان لازِم يَرفَعو إبن الإنسان.

يُوحَنَّا 5:39

إنتو تَفَتِّشو الكُتُب، عَشان إنتو تَفتَكِرو عِندَكُم فيهُم الحَياة الأبَديَّه. و هُم البِشهَدو لَي.

يُوحَنَّا 5:46

عَشان إذا كُنتو بِتصَدِّقو مُوسَى، كُنتو تَصَدِّقوني، عَشان هو كَتَب عَنّي.

أعمال الرُّسُل 13:33

هو تَمَّم دا لينا، نِحنا أولادُم، لَمّا قَوَّم يَسُوع مِن بين المَيِّتين. زي ما هو مَكتوب كَمان في المَزمور التّاني: إنتَ إبني. أنا اليوم وَلَدتَك.

أعمال الرُّسُل 13:40

أحرِسو، عَشان القالو في الأنبياء ما بِجي ليكُم:

أعمال الرُّسُل 2:27

عَلَشان إنتَ ما بِتخَلّي نَفسي في الهاويَه، ولّا تَخَلّي قُدّوسَك يَرجَع لِلتُّراب.

أعمال الرُّسُل 3:18

و كِدا الله عَمَل الهو كَلَّمنا بيهو مِن قُبّال بِخَشم كُل الأنبياء إنّو مَسيحو لازِم يَتعَب.

أعمال الرُّسُل 7:37

دا مُوسَى القال لِبَني إِسْرَائِيل: الله بِقَوِّم ليكُم نَبي زَيي مِن أخوانكُم.

عِبرانيين 10:1

و القانون عِندو ضُل الحاجات الكوَيسَه الجّايَه، و ما صورَة الحاجات بِزاتا. و هُم كانو بِقَدِّمو الضَّبايح ديل دايماً كُلّو سَنَه. و لَكِن ما مُمكِن أبَداً يَعمِلُم كامِلين، هُم البِقَرِّبو عَشان يَعبُدو.

عِبرانيين 3:5

و بِالحَق، مُوسَى كان أمين في كُلّو بيت الله زي خَدّام، عَشان يَشهَد لِلحاجات البِقولوها في الوَكِت الجّاي.

عِبرانيين 7:1

و مَلكِصادَق دا كان مَلِك ساليم و قَسّيس الله العالي. هو قابَل إِبْرَاهِيم لَمّا كان يَرجَع مِن كَتَل المُلوك، و بارَكو.

عِبرانيين 9:8

و كِدا، الرّوح القُدُس كان بِوَرّي إنّو الطَّرِيق لِقُدُس الأقداس ما كان مَفتوح، ما دام الخيمَه الفي بَرَّه لِسَّع واقِفَه.

١ بُطْرُس 1:11

و فَتَّشو بِكُلّو قُدرَتُم عَن الوَكِت، هو بِجي مِتين و كيف بِجي. دا الوَكِت روح المَسيح الفيهُم كان يَوَرّيهو، لَمّا شِهِد مِن قَبِل بِأوجاع المَسيح و المَجد البِجي بَعدو.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“