لُوقَا 23:4 - كِتاب العَهد الجَّديد مِن الكِتاب المُقَدَّس

⁴ و بِيلاطُس قال لِلقُسُس الكُبار و النّاس: ”أنا ما لِقيت ذَنب في الإنسان دا.“

لُوقَا 23:4 Iomraidhean Croise

مَتَّى 27:19

و كَمان، وَكِت ما كان قاعِد عَلى كُرسي الحُكم، مَرَتو رَسَّلَت ليهو و قالَت: ”ما تَعمِل أي حاجَه لِلرّاجِل البار دا. عَشان عَذَّبتَ كَتير في حِلم النَّهار دا فِشانّو.“

مَرْقُس 15:14

و بِيلاطُس قال ليهُم: ”لِشِنو؟ خَطِيَّتو شِنو؟“ و لَكِن كورَكو زِيادَه: ”أصلُبو.“

لُوقَا 23:22

و هو قال ليهُم مَرَّه تالتَه: ”لِشِنو؟ ياتو شَر عَمَلو الزّول دا؟ أنا ما لِقيت فيهو ذَنب يِستَحِق الموت. عَلَشان كِدا، أنا بَأدِّبو و بَفِكّو.“

يُوحَنَّا 18:38

بِيلاطُس قال ليهو: ”الحَق شِنو؟“ و لَمّا قال كِدا، مَرَق تاني لِليَهود، و قال ليهُم: ”أنا ما لِقيت ذَنب فيهو.

أعمال الرُّسُل 25:25

و لَكِن أنا لِقيتو ما عَمَل حاجَه تِستَحِق الموت. لَكِن عَلَشانو رَفَع طَلَبو لِلمَلِك قَيصَر، قَرَّرتَ أرَسِّلو لِرُومِيَه.

أعمال الرُّسُل 3:13

عَشان إله إِبْرَاهِيم و إِسْحَاق و يَعْقُوب، إله أبَهاتنا مَجَّد إبنو يَسُوع. إنتو سَلَّمتوهو و نَكَرتوهو قِدّام بِيلاطُس لَمّا هو كان داير يَفِكّو.

عِبرانيين 7:26

عَشان رَئيس قُسُس زي دا موافِق لينا. هو قُدّوس و بِدون لوم و نَضيف و مَفَرَّق مِن الخاطيين و مَرفوع أعلى مِن السَّماوات.

١ بُطْرُس 1:19

لَكِن بِدَم كَريم زي مِن حَمَل بِدون عيب ولّا أي شي ناقِص، هو دَم المَسيح.

١ بُطْرُس 2:22

و هو ما عَمَل خَطيَّه، و ما كان مَوجود في خَشمو غِش.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.