لُوقَا 22:61 - كِتاب العَهد الجَّديد مِن الكِتاب المُقَدَّس

⁶¹ و الرَّب إتلَفَت و عايَن لِبُطْرُس. و بُطْرُس إتزَكَّر كَلام الرَّب الكان قال ليهو: ”قُبّال ما الدّيك يَكورِك اللّيلَه، بِتَنكِرني تلاتَه مَرّات.“

لُوقَا 22:61 Iomraidhean Croise

مَتَّى 26:34

يَسُوع قال ليهو: ”أقول ليك الحَق، في اللّيلَه دي، قَبل ما الدّيك يَكورِك، إنتَ بِتَنكِرني تلاتَه مَرّات.“

مَتَّى 26:75

و بُطْرُس إتزَكَّر الكَلام القالو ليهو يَسُوع: ”قُبّال الدّيك يَكورِك، بِتَنكِرني تلاتَه مَرّات.“ و مَرَق بَرَّه و بَكى بِكى مُر.

مَرْقُس 5:30

و يَسُوع عِرِف في نَفسو القُوَّه طَلَعَت مِنّو. و طَوّالي إتلَفَت في وَسط الجَّماعَه و قال: ”مِنو لَمَس هِدُومي؟“

لُوقَا 10:41

و الرَّب رَدَّ و قال ليها: ”يا مَرْثَا، يا مَرْثَا، إنتي مَشغولَه و بِتفَكِري في حاجات كَتيرَه.

لُوقَا 22:34

و يَسُوع قال: ”يا بُطْرُس، أقول ليك، قَبل ما الدّيك يَكورِك اللّيلَه، إنتَ بِتَنكِرني تلاتَه مَرّات، و تَقول إنتَ ما تَعرِفني.“

لُوقَا 22:60

و بُطْرُس قال: ”يا زول، أنا ما بَعرِف بِتقول شِنو.“ و طَوّالي لَمّا هو لِسَّع يتكَلَّم، الدّيك كورَك.

لُوقَا 22:62

و بُطْرُس مَرَق بَرَّه و بَكى بِكى مُر.

لُوقَا 7:13

و لَمّا شافا، الرَّب كان عِندو رَحمَه ليها و قال ليها: ”ما تَبكي.“

لُوقَا 7:19

و يُوحَنَّا نادى إتنين مِن تَلاميذو، و رَسَّلُم لِيَسُوع و قال: ”إنتَ هو الجّاي؟ ولّا نَنتَظِر واحِد غيرَك؟“

يُوحَنَّا 13:38

يَسُوع رَدَّ و قال ليهو: ”إنتَ تَدّي حَياتَك فِشانّي؟ الحَق الحَق أقول ليك، قُبّال ما الدّيك يَكورِك، إنتَ ماشي تَنكِرني تلاتَه مَرّات.

أعمال الرُّسُل 5:31

و الله رَفَعو بِيَمينو يَكون رَئيس و مُخَلِّص، عَشان يَدّي لِإِسْرَائِيل التّوبَه و غُفران الخَطايا.

أفَسُس 2:11

عَلَشان كِدا، إتزَكَّرو إنتو كُنتو مِن قُبّال مِن الأُمَم حَسَب الجِّسِم. و اليَسَمّوهُم مُطَهَّرين بِدا المَعمول في الجِّسِم بِالإيدين، هُم يَسَمّوكُم ما مُطَهَّرين.

رؤيا 2:5

عَلَشان كِدا إتزَكَّر مِن وين وَقَعتَ، و توب، و أعمِل الأعمال زي في الأوَّل. و إلّا، أنا بَجيك و بَشيل مَنارتَك مِن مَحَلّها إذا ما تَتوب.