لُوقَا 22:34 - كِتاب العَهد الجَّديد مِن الكِتاب المُقَدَّس

³⁴ و يَسُوع قال: ”يا بُطْرُس، أقول ليك، قَبل ما الدّيك يَكورِك اللّيلَه، إنتَ بِتَنكِرني تلاتَه مَرّات، و تَقول إنتَ ما تَعرِفني.“

لُوقَا 22:34 Iomraidhean Croise

مَتَّى 26:34

يَسُوع قال ليهو: ”أقول ليك الحَق، في اللّيلَه دي، قَبل ما الدّيك يَكورِك، إنتَ بِتَنكِرني تلاتَه مَرّات.“

مَتَّى 26:74

بَعدين بِقى يَلعَن و يَحلِف: ”أنا ما عارِف الرّاجِل!“ و طَوّالي الدّيك كورَك.

مَرْقُس 14:30

و يَسُوع قال ليهو: ”أقول ليك الحَق، اليوم دا في اللّيل، قُبّال ما الدّيك يَكورِك مَرَّتين، إنتَ بِتَنكُرني تلاتَه مَرّات.“

لُوقَا 22:33

و هو قال ليهو: ”يا رَب، أنا مُستَعِد أمشي مَعاك حَتّى لِلسِّجِن و لِلموت.“

لُوقَا 22:35

و هو قال ليهُم: ”لَمّا رَسَّلتَكُم بِدون جُزلان و لا كيس و لا جِزَم، كُنتو تَحتاجو لِحاجَه؟“ و قالو: ”و لا حاجَه.“

لُوقَا 22:61

و الرَّب إتلَفَت و عايَن لِبُطْرُس. و بُطْرُس إتزَكَّر كَلام الرَّب الكان قال ليهو: ”قُبّال ما الدّيك يَكورِك اللّيلَه، بِتَنكِرني تلاتَه مَرّات.“

يُوحَنَّا 13:38

يَسُوع رَدَّ و قال ليهو: ”إنتَ تَدّي حَياتَك فِشانّي؟ الحَق الحَق أقول ليك، قُبّال ما الدّيك يَكورِك، إنتَ ماشي تَنكِرني تلاتَه مَرّات.

يُوحَنَّا 18:27

و بُطْرُس نَكَر مَرَّه تانيَه. و طَوّالي الدّيك كورَك.