لُوقَا 21:8 - كِتاب العَهد الجَّديد مِن الكِتاب المُقَدَّس

⁸ و هو قال ليهو: ”خَلّو بالكُم عَشان واحِد ما بِغِشّكُم. عَشان ناس كُتار بِجو بِإسمي و بِقولو: أنا هو، و: الوَكِت قَرَّب. ما تَمشو وَراهُم.

لُوقَا 21:8 Iomraidhean Croise

مَتَّى 24:11

و أنبياء كَضّابين كَتيرين بِقومو و يَغِشّو كَتيرين.

مَتَّى 3:2

و يَقول: ”توبو، فِشان مَلَكوت السَّما قَريب.“

مَتَّى 4:17

مِن الوَكِت داك يَسُوع إبتَدا يَبَشِّر، و يَقول: ”توبو، علشان مَلَكوت السَّما قَريب.“

لُوقَا 17:23

و بِقولو ليكُم: هو هِنا! هو هِناك! ما تَمشو و تَتبَعوهو.

لُوقَا 21:7

و سألوهو و قالو: ”يا مُعَلِّم، الحاجات دي بِتكون مِتين؟ و شِنو العَلامَه لَمّا الحاجات دي قَرَّبَت تَحصَل؟“

لُوقَا 21:9

و لَمّا تَسمَعو بِحُروب و دَوشَه، ما تَخافو. الحاجات دي لازِم بِتَجي في الأوَّل، لَكِن آخِر الدُّنيا لِسَّع ما قَريب.“

يُوحَنَّا 5:43

أنا جيت بِإسم أبوي، و إنتو ما بِتَقبَلوني. إذا واحِد تاني يَجيكُم بِإسم نَفسو، بِتَقبَلوهو.

يُوحَنَّا 8:24

أنا قُلتَ ليكُم إنتو ماشين تَموتو في خَطاياكُم. عَشان إنتو ما بِتآمِنو إنّي أنا هو، إنتو ماشين تَموتو في خَطاياكُم.“

يُوحَنَّا 8:28

و يَسُوع قال ليهُم: ”لَمّا تَرفَعو إبن الإنسان، في الوَكِت دا بِتَعرِفو إنّي أنا هو، و أنا ما بَعمِل حاجَه بِنَفسي. لَكِن زي ما عَلَّمني أبوي، أنا بَقول الحاجات دي.

١ كُورِنْثُوس 6:9

ما بِتَعرِفو الظّالمين ما بِيورَثو مَلَكوت الله؟ ما تَغِشّو نُفوسكُم. لا أخلاقُم بَطّالَه، ولّا اليَعبُدو أصنام، ولّا البيَعمِلو زِنا، ولّا المَخَنَّس ولّا اللّوطي،

أفَسُس 5:6

ما تَخَلّو أي زول يَغِشّكُم بِكِلمات بِدون فايدَه، عَلَشان بِسَبَب الحاجات دي، زَعل الله يَجي عَلى النّاس الما بِطيعُو.

٢ تَسَالُونِيكِي 2:3

ما تَخَلّو أي واحِد يَغِشّكُم بِأي طَرِيقَه. اليوم داك ما بِجي إلّا النّاس يَرجَعو عَن الإيمان في الأوَّل و إنسان الخَطيَّه، إبن الخَراب يَظهَر.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

٢ يُوحَنَّا 1:7

عَشان ناس كُتار البِغِشّو مَرَقو لِلدُّنيا. و هُم ما بِعتَرِفو بِيَسُوع المَسيح إنّو جا في الجِّسِم. دا هو البِغِش و هو ضِد المَسيح.

رؤيا 1:3

مُبارَك هو البِقرا و هُم البِسمَعو كِلمات النُّبوَّه دي، و يَحفَظو الحاجات المَكتوبَه فيها. عَشان الوَكِت قَريب.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.