لُوقَا 21:36 - كِتاب العَهد الجَّديد مِن الكِتاب المُقَدَّس

³⁶ لَكِن أحرِسو و صَلّو في كُلّو وَكِت، عَشان تَقدَرو تَهرَبو مِن كُل الحاجات دي البِتَحصُل، و تَقيفو قِدّام إبن الإنسان.“

لُوقَا 21:36 Iomraidhean Croise

مَتَّى 24:42

عَلَشان كِدا، خَلّو بالكُم، عَشان إنتو ما عارفين اليوم الرَّب بِتاعكُم بِجي.

مَتَّى 24:43

لَكِن أعرِفو دا. إذا سيد البيت كان عِرِف السّاعَه الحَرامي كان بِجي فيها، هو كان خَلّى بالو و ما خَلّاهو يَدخُل بيتو بِالقُوَّه.

مَتَّى 24:44

عَلَشان كِدا، كونو إنتو كَمان جاهِزين. عَشان إبن الإنسان بِجي في ساعَه إنتو ما تَفتَكِرو.

مَتَّى 25:13

عَشان دا، خَلّو بالكُم، عَشان إنتو ما عارفين اليوم ولّا السّاعَه.

مَتَّى 26:41

أحرِسو و صَلّو، عَشان ما تَدخُلو في تَجرِبَه. بِالحَق الرّوح رَضيان، لَكِن الجِّسم ضَعيف.“

مَتَّى 8:20

و يَسُوع قال ليهو: ”التَّعالِب عِندَهُم مَحَلّات النّوم، و طُيور السَّما عِندَهُم مَحَلّات كَمان، لَكِن إبن الإنسان ما عِندو مَحَل يَخُت رَاسو فيهو.“

مَرْقُس 13:33

خَلّو بالكُم، و أحرِسو، و صَلّو. عَشان إنتو ما بِتَعرِفو الوَكِت.

مَرْقُس 13:37

و الأنا بَقولو ليكُم، بَقولو لِلكُل: أحرِسو.“

لُوقَا 1:19

و المَلاك رَدَّ و قال ليهو: ”أنا جِبْرَائِيل الواقِف قِدّام الله، و أنا مُرسَل عَشان أكَلِّمَك و أبَشِّرَك بِدا.

لُوقَا 18:1

و قال ليهُم مَثَل إنّو لازِم يَصَلّو دايماً و يِستَمِرّو.

لُوقَا 20:35

و لَكِن ديل اليَحسِبوهُم مُستَحِقّين لِلزَّمَن الجّاي، و القيامَه مِن المَيِّتين، ما بِزَوِّجو ولّا بِتزَوَّجو.

لُوقَا 21:35

عَشان بِجي عَلى كُل السّاكنين عَلى كُل الأرض.

أعمال الرُّسُل 10:2

و هو كان راجِل صالِح، و هو و كُلّو بيتو كانو بِخافو الله، و هو كان بِدّي صَدَقَات كَتيرَه لِلنّاس، و بِصَلّي في كُلّو وَكِت.

١ كُورِنْثُوس 16:13

أحرِسو، كونو ثابِتين في الإيمان، كونو رُجال و إتشَدَّدو.

٢ كُورِنْثُوس 4:14

و بِنَعرِف هو القَوَّم الرَّب يَسُوع مِن بين المَيِّتين، بِقَوِّمنا نِحنا كَمان مَعَ يَسُوع، و بِجيبنا قِدّامو مَعاكُم.

كُولُوسِّي 4:2

إستَمِرّو في الصَّلاه، و أحرِسو فيها بِالشُّكر.

١ تَسَالُونِيكِي 5:17

صَلّو و ما تَقيفو.

٢ تِيمُوثَاوُس 4:5

لَكِن إنتَ، كون عاقِل في كُلّو شي، و إتحَمَّل التَّعب بِالصَّبر، و أعمِل عَمَل المُبَشِّر، وكَمِّل خِدمَتَك.

١ بُطْرُس 4:7

نِهايَة كُلّو حاجَه قَرَّبَت. عَلَشان كِدا، كونو عاقلين و أحرِسو لِلصَّلَوات.

١ بُطْرُس 5:8

أمسِكو بِنُفوسكُم و أحرِسو عَشان إبْلِيس عَدوكُم زي أسَد بِكورِك، يَدَوِّر و يَفَتِّش عَن واحِد عَشان يَبلَعو.

١ يُوحَنَّا 2:28

و هَسَّع، يا أولاد، أسكُنو فيهو، عَشان إذا يَظهَر، يَكون عِندَنا تأكيد، و ما نَخجَل مِنّو لَمّا يَجي.

يَهُوذَا 1:24

و لِلقادِر يَحفَظكُم مِن الوقوع، و يَجيبكُم قِدّام مَجدو بِدون عيب بِفَرَح عَظيم،

رؤيا 11:4

و ديل هُم شَجَرتين الزّيتون و المَنارتين البِقومو قِدّام رَب الأرض.

رؤيا 6:17

عَلَشان جا يوم غَضَبُم العَظيم. و مِنو هو اليَقدَر يَقيف؟“

رؤيا 7:9

و بَعَد دا عايَنتَ، و شوف! كانو في ناس كُتار، و واحِد ما يَقدَر يَحسِبُم. و هُم كانو مِن كُل الأُمَم و القَبايل و الشُّعوب و اللُّغات. و كانو واقفين قِدّام الكُرسي و قِدّام الحَمَل. و هُم لابسين تيبان بيضَة و في إيدينُم فُروع النَّخَل.

رؤيا 8:2

و شُفتَ السَّبعَه مَلائكَه البِقيفو قِدّام الله، و أدّو ليهُم سَبعَه أبواق.