لُوقَا 20:17 - كِتاب العَهد الجَّديد مِن الكِتاب المُقَدَّس

¹⁷ و عايَن ليهُم و قال: ”دا شِنو المَكتوب؟ الحَجَر الخَلّوهو البَنّايين بِقى راس الرُّكن.

لُوقَا 20:17 Iomraidhean Croise

مَتَّى 21:42

يَسُوع قال ليهُم: ”ما قَريتو أبَداً في الكِتاب؟ الحَجَر البَنّايين أبو، هو بِقى راس الرُّكن. الرَّب عَمَل دا، و هو عَجيب قِدّامنا.

مَرْقُس 10:23

و يَسُوع عايَن حَوَليهو و قال لِتَلاميذو: ”كيف بِكون صَعب لِلغَنيين أن يدخُلو مَلَكوت الله!“

مَرْقُس 12:10

إنتو ما قَريتو المَكتوب دا؟ الحَجَر الرَّفَضوهو البَنّايين بِقى راس الرُّكُن.

مَرْقُس 3:5

و عايَن ليهُم و حَوَليهو بِزَعل، و كان حَزين عَلَشان قُلوبُم قَوّيَّه. و قال لِلرّاجِل: ”مِد إيدَك.“ و هو مَدّاها، و إيدو بِقَت طَيبَه.

لُوقَا 19:41

و لَمّا هو قَرَّب، و شاف أُورُشَلِيم، بَكى عَليها.

لُوقَا 22:37

عَشان أنا بَقول ليكُم: المَكتوب دا لازِم يَتِم فيني اليَقول: حَسَبوهو مَعَ الما يَحفَظو القانون. أيوَه، المَكتوب عَنّي بِتِم.“

لُوقَا 22:61

و الرَّب إتلَفَت و عايَن لِبُطْرُس. و بُطْرُس إتزَكَّر كَلام الرَّب الكان قال ليهو: ”قُبّال ما الدّيك يَكورِك اللّيلَه، بِتَنكِرني تلاتَه مَرّات.“

لُوقَا 24:44

بَعدين هو قال ليهُم: ”شوفو! دا الكَلام الكَلَّمتَكُم بيهو وَكِت أنا كُنتَ مَعاكُم، إنّو كُل المَكتوب عَنّي في قانون مُوسَى و الأنبياء و المَزامير لازِم يَتِم.“

يُوحَنَّا 15:25

لَكِن عَشان تَتِم الكِلمَه المَكتوبَه في قانونُم: هُم كِرهوني بِدون سَبَب.

أعمال الرُّسُل 4:11

دا هو الحَجَر الإنتو أبيتوهو، يا بَنّاين، البِقي راس الرُّكن.

أفَسُس 2:20

و هو بَناكُم عَلى أساس الرُّسُل و الأنبياء، و يَسُوع المَسيح نَفسو، الحَجَر، الهو راس الرُّكن.

١ بُطْرُس 2:6

عَشان كِدا يَزكُر في الكِتاب: ”شوفو، أنا بَخُت في صِهيون حَجَر الرُّكُن مُختار و مُحتِرَم. و البِآمِنو بيهو ما بِخجَل.“