لُوقَا 17:6 - كِتاب العَهد الجَّديد مِن الكِتاب المُقَدَّس

⁶ و الرَّب قال: ”إذا عِندَكُم إيمان زي تيراب خَردَل، كُنتو بِتقولو لِلشَّجَرَه دي: أمرُقي مِن الأرض، و كوني مَزروعَه في البَحَر. و بِكون كِدا.

لُوقَا 17:6 Iomraidhean Croise

مَتَّى 14:29

و يَسُوع قال: ”تَعال.“ و بُطْرُس نَزَل مِن المُركَب و مَشى عَلى المويَه، و جا لِيَسُوع.

مَتَّى 17:20

و قال ليهُم: ”عَلَشان إيمانكُم قَليل. عَشان بِالحَق أقول ليكُم، إذا كان ليكُم إيمان زي تيراب خَردَل، بِتقولو لِلجَّبَل دا: إتحَرَّك مِن هِنا لِلمَحَل هِناك، و هو يِتحَرَّك. و ما في حاجَه بِتكون ما مُمكِن ليكُم.

مَتَّى 21:21

يَسُوع رَدَّ و قال ليهُم: ”أقول ليكُم الحَق، إذا عِندَكُم إيمان، و ما تَشِكّو في قُلوبكُم، إنتو ما بِتَعمِلو بَس الأنا عَمَلتو لِلشَّجَرَه، لَكِن إذا بِتقولو لِلجَّبَل دا: أمشي، أرمي نَفسَك في البَحَر، بِكون كِدا.

مَرْقُس 4:31

هو زي حَبَّة خَردَل. لَمّا تَكون مَزروعَه في الأرض، هي أصغَر كُل التّيراب العَلى الأرض.

مَرْقُس 9:23

و يَسُوع قال ليهو: ”تَقول: إذا تَقدَر! كُلّو شي مُمكِن لِلزّول البِصَدِّق.“

لُوقَا 13:19

هو زي تيراب خَردَل، زول أخَدا و رَماها في زِراعتو. و طَلَع، و بِقى شَجَرَه. و طير السَّما قَعَد في فُروعا.“

لُوقَا 17:7

خَلّونا نَقول واحِد مِنَّكُم عِندو خَدّام بِشتَغِل في الزِّراعَه، ولّا بِحرَس الخِرفان. هو بِقول ليهو وَكِت ما جا مِن الزِّراعَه: تَعال طَوّالي و أقعُد و أُكُل؟

لُوقَا 19:4

و جَرى لِقِدّام و طِلِع شَجَرَة جِمّيزَه عَشان يَشوفو، عَشان يَسُوع قَرَّب يَفوت مِن هِناك.

لُوقَا 7:13

و لَمّا شافا، الرَّب كان عِندو رَحمَه ليها و قال ليها: ”ما تَبكي.“

لُوقَا 7:19

و يُوحَنَّا نادى إتنين مِن تَلاميذو، و رَسَّلُم لِيَسُوع و قال: ”إنتَ هو الجّاي؟ ولّا نَنتَظِر واحِد غيرَك؟“

١ كُورِنْثُوس 13:2

و إذا كان عِندي هَديَّة النُّبوَّه، و بَعرِف كُل الأسرار، و كُلّو مَعرِفَه، و إذا كان عِندي كُل الإيمان لِغايَة ما أحَرِّك الجِبال، و لَكِن ما عِندي مَحَبَّه، أنا ما حاجَه.