لُوقَا 12:4 - كِتاب العَهد الجَّديد مِن الكِتاب المُقَدَّس

⁴ و أقول ليكُم، يا أصحابي، ما تَخافو مِن البِكتُلو الجِسم، و بَعَد كِدا ما عِندَهُم حاجَه زِيادَه يَقدَرو يَعمِلو.

لُوقَا 12:4 Iomraidhean Croise

مَتَّى 10:28

و ما تَخافو مِن اليَكتُلو الجِّسِم و لَكِن ما يَقدَرو يَكتُلو النَفس. لَكِن خافو مِن اليَقدَر يَكتُل النَّفس و الجِّسِم، هُم الإتنين، في جَهَنَّم.

يُوحَنَّا 15:13

ما في إنسان عِندو مَحَبَّه أعظَم مِن كِدا، أن واحِد بِدّي نَفسو فِشان المَحبوبين.

أعمال الرُّسُل 20:24

لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

أعمال الرُّسُل 4:13

و لَمّا شافو شُجاعَة بُطْرُس و يُوحَنَّا، و لِقوهُم رُجال ما مِتعَلِّمين و زي أي زول تاني، هُم إتعَجَّبو. و عِرفوهُم كانو مَعَ يَسُوع.

فيلِبّي 1:28

و ما خايفين في أي شي مِن عُدوانكُم. دي شَهادَه ليهُم عَلى الخَراب، و لَكِن ليكُم عَلى الخَلاص. و داك مِن الله.

يَعْقُوب 2:23

و تَمَّ الكِتاب البقول: ”إِبْرَاهِيم آمَن بِالله، و دا حَسَب ليهو بِر.“ و سَمّوهو مَحبوب الله.

١ بُطْرُس 3:14

و لَكِن إذا تِتوَجَّعو عَشان خاطِر البِر، إنتو مُبارَكين. ما تَخافوهُم، و ما تَضطَرِبو.

رؤيا 2:10

ما تَخاف مِن الحاجات الأنتَ ماشي تِتوَجَّع بيها. شوف، الشّيطان قَرَّب يَرمي بَعض مِنَّكُم في السِّجِن عَشان يِمتَحِنكُم. و بِكون عِندَكُم ضيق عَشَرَة أيام. كون أمين لِغايَة الموت، و أنا بَدّيك تاج الحَياة.