لُوقَا 11:13 - كِتاب العَهد الجَّديد مِن الكِتاب المُقَدَّس

¹³ و إذا إنتو البَطّالين تَعرِفو تَدّو أولادكُم هَدايا سَمحَه، كَم بِالأكتَر الأبو السَّمَاوي يَدّي الرّوح القُدُس لِليَسألوهو؟“

لُوقَا 11:13 Iomraidhean Croise

مَتَّى 5:16

خَلّو نُوركُم يَنَوِّر كِدا قِدّام النّاس، عَشان يَشوفو أعمالكُم الكوَيسَه، و يَدّو مَجد لِأبوكُم الفي السَّما.

مَتَّى 5:45

عَشان تَكونو أولاد أبوكُم الفي السَّما. عَلَشان هو يَعمِل شَمسو تَطلَع عَلى البَطّالين و الكوَيسين، و يَرَسِّل المَطَر عَلى البارين و الشَّرّيرين.

مَتَّى 6:14

عَلَشان إذا تَغفِرو لِلنّاس خَطاياهم، أبوكُم الفي السَّما بِغفِر ليكُم كَمان.

مَتَّى 6:30

و لَكِن إذا كان الله يَلَبِّس زي دا قَش الخَلا، اليَكون في النَّهار دا و بُكرَه بِرموهو في الفُرن، كيف ما داير أكتَر أن يَلَبِّسكُم إنتو، يا قَليلين الإيمان؟

مَتَّى 6:32

عَلَشان ناس الدُّنيا يَفَتِّشو عَلى كُل الحاجات ديل. و أبوكُم الفي السَّما بِيَعرِف إنتو تَحتاجو لِديل كُلّو.

مَتَّى 7:11

كِدا إذا إنتو البَطّالين تَعرِفو كيف تَدّو أولادكُم هَدايا كوَيسَه، كَم يَكون أبوكُم الفي السَّما أحسَن، اليَدّي هَدايا كَتيرَه ليكُم اليَسألوهو؟

لُوقَا 11:12

ولّا إذا يَطلُب مِنّو بيضَة جِداد يَدّيهو عَقرَب؟

لُوقَا 11:2

و قال ليهُم: ”لَمّا تَصَلّو قولو، يا أبونا [الفي السَّما،] خَلّي إسمَك يِتقَدَّس. خَلّي مَلَكوتَك يَجي. [تَكون إرادَتَك زي ما في السَّما، كِدا كَمان عَلى الأرض.]

لُوقَا 18:7

و الله ما يَحفَظ مُختارينو مِن عَدوهُم؟ و هُم بِكورِكو ليهو ليل و نَهار؟ و لَو هو بِخَلّيهُم لِمُدَّه طَويلَه؟

يُوحَنَّا 4:10

يَسُوع قال ليها: ”إنتي إذا كُنتي تَعرِفي هَديَّة الله، و مِنو هو البقول ليكي: أدّيني عَشان أشرَب، كُنتي طَلَبتي مِنّو، و هو كان أدّاك مويَه حَيَّه.“

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

رُومِيَه 5:17

بِالحَق، بِخَطيّة إنسان واحِد، الموت كان عِندو قُوَّه عَلى كُل النّاس. لَكِن في ناس البِقبَلو نِعمَتو الكَتير و هَديَّة البِر. و بِتكون عِندَهُم قُوَّه زي المُلوك في الحَياة بِالواحِد يَسُوع.

رُومِيَه 7:18

بَعرِف ما في حاجَه طَيبَه تَعيش فِيني، يَعني في جِسمي. عَشان عِندي الإرادَه أسَوّي الطَّيب، لَكِن ما بَقدَر أسَوّيهو.

رُومِيَه 8:32

هو الما رَحَم عَلى إبنو المَخصوص، لَكِن أدّاهو فِشان كُلُّنا، كيف ما يَدينا مَعاهو كُلّو حاجَه؟

تِيطُس 3:3

عَشان نِحنا كَمان كُنّا مِن قُبّال بَليدين، و ما طيعنا، و غَشّونا، و خَدَمنا شَهوات مُختَلِفَه و السُّرور. و كُنّا نَعيش في الفِكر البَطّال و الحَسَد، مَكروهين و كارِهين بَعَضَنا بَعض.