لُوقَا 10:21 - كِتاب العَهد الجَّديد مِن الكِتاب المُقَدَّس

²¹ و في السّاعَه دي، هو فِرِح كَتير بِالرّوح القُدُس و قال: ”أحمَدَك، يا أبوي، يا رَب السَّما و الأرض، عَشان دَسيت الحاجات دي مِن المِتعَلِّمين و الفاهمين، و وَرّيتا لِلأولاد الصُّغار. أيوَه، يا أبوي، عَشان كان مِن إرادَتَك أن يَكون كِدا.

لُوقَا 10:21 Iomraidhean Croise

مَتَّى 16:17

و يَسُوع قال ليهو: ”مُبارَك إنتَ، يا سِمْعَان إبن يُونَا. عَشان ناس ما وَرّوهو ليك، لَكِن أبوي الفي السَّما.

مَتَّى 21:16

و قالو ليهو: ”بِتَسمَع الكَلام الأولاد ديل بِقولو؟“ و يَسُوع قال: ”أيوَه. ما قَريتو: مِن خُشوم أولاد و أطفال جَهَّزتَ الحَمد؟“

مَتَّى 3:7

و لَمّا شاف كَتير مِن الفَرِّيسِيِّين و الصَّدّوقيين قاعِدين يَجو لِلمَعموديَّه، يُوحَنَّا قال ليهُم: ”يا أولاد الدَّبايب، مِنو خَبَّركُم بِالخَطَر عَشان تَجرو مِن الزَّعل الجّاي؟

مَرْقُس 10:15

أقول ليكُم الحَق، الما يَقبَل مَلَكوت الله زي وَلَد، ما بِدخُلو أبَداً.“

لُوقَا 15:5

و لَمّا يَلقاهو، يَخُتّو عَلى كَتفو، و هو مَبسوط.

لُوقَا 15:9

و وَكِت تَلقاها، تَنادي أصحابا و جيرانا و تَقول: كونو مَبسوطين مَعاي، عَشان لِقيت الحِتَّه الوَدَّرتا.

يُوحَنَّا 11:41

و رَفَعو الحَجَر، و يَسُوع رَفَع عُيونو لِلسَّما و قال: ”يا أبوي، أشكُرَك عَشان سِمِعتَ لَي.

٢ كُورِنْثُوس 4:3

و إذا إنجيلنا مَغَطّى، هو مَغَطّى لِلبِهلِكو.

أفَسُس 1:11

و فيهو عِندَنا ميراث و هو إختارنا فيهو مِن قُبّال حَسَب تَرتيبو، هو اليَعمِل كُلّو شي زي فِكر إرَادَتو.

أفَسُس 1:5

و في المَحَبَّه، إختارنا مِن قُبّال عَشان يَعمِلنا أولاد لِنَفسو بِيَسُوع المَسيح، حَسَب فَرَحو و إرَادَتو.