لُوقَا 10:20 - كِتاب العَهد الجَّديد مِن الكِتاب المُقَدَّس

²⁰ و لَكِن ما تَفرَحو عَشان الأرواح يَسمَعو ليكُم، لَكِن أفرَحو عَشان أساميكُم مَكتوبَه في السَّما.“

لُوقَا 10:20 Iomraidhean Croise

مَتَّى 10:1

و نادى تَلاميذو الإتناشَر و أدّاهُم سُلطَه عَشان يَطَلِّعو الأرواح النَّجسَه و يَشفو كُلّو مَرَض و كُلّو عَيى.

مَتَّى 26:24

صَحيح، إبن الإنسان ماشي زي ما مَكتوب عَنّو. لَكِن حُزن لِلزّول داك اليَسَلِّم إبن الإنسان. كان أحسَن لِلزّول داك إذا ما كان مَولود.“

مَتَّى 27:5

و رَمى الفِضَّه في الهيكَل، و مَرَق و شَنَق نَفسو.

فيلِبّي 4:3

و أسألَك إنتَ كَمان، يا شَريكي المُخلِص، ساعِد النِّسوان ديل، عَلَشان هُم إشتَغَلو سَوا مَعاي في الإنجيل مَعَ أَكْلِيمَنْدُس و باقي العامِلين مَعاي. و أساميهُم في كِتاب الحَياة.

عِبرانيين 12:23

و لِكَنيسَة المَولودين في الأوَّل، أساميهُم مَكتوبَه في السَّما. و إنتو قَرَّبتو لِلَّه، قاضي كُل النّاس، و لِأرواح البارين البِقو كامِلين،

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.

رؤيا 20:12

و شُفتَ المَيِّتين، الكُبار و الصُّغار، واقِفين قِدّام الكُرسي. و فَتَحو الكُتُب. و فَتَحو كِتاب تاني، و هو كِتاب الحَياة. و هو دان المَيِّتين بِحَسَب المَكتوب في الكُتُب، حَسَب أعمالُم.

رؤيا 20:15

و إذا لِقو إسِم أي واحِد ما مَكتوب في كِتاب الحَياة، هو إترَمى في بِركَة النّار.

رؤيا 21:27

و ما في شي نَجِس بِدخُل فيها أبَداً، ولّا أي واحِد اليَعمِل الحاجَه البِتَخجَل ولّا الكِضِب. لَكِن بَس النّاس الأساميهُم مَكتوبين في كِتاب الحَياة بِتاع الحَمَل يدخُلو.

رؤيا 3:5

و كِدا، الزّول البِغلِب، هو بِلبَس هِدوم أبيَض، و أنا أبَداً ما بَشيل إسمو مِن كِتاب الحَياة. لَكِن أنا بَعتَرِف بِإسمو قِدّام أبوي و قِدّام مَلائكَتو.