يُوحَنَّا 9:22 - كِتاب العَهد الجَّديد مِن الكِتاب المُقَدَّس

²² و والِديهو قالو كِدا عَشان هُم كانو خايفين مِن اليَهود، عَشان اليَهود إتَّفَقو، إنّو إذا واحِد إعتَرَف هو المَسيح، يَطرُدوهو مِن بيت الرَّب.

يُوحَنَّا 9:22 Iomraidhean Croise

لُوقَا 6:22

مُبارَكين لَمّا النّاس بِكرَهوكُم، و ما بِقعُدو مَعاكُم و بِشتِموكُم، و بِطَلِّعو عَليكُم إسم بَطّال عَشان إبن الإنسان.

يُوحَنَّا 1:19

و دي شَهادَة يُوحَنَّا، لَمّا اليَهود مِن أُورُشَلِيم رَسَّلو ليهو قُسُس و لاويين عَشان يَسألوهو: ”إنتَ مِنو؟“

يُوحَنَّا 16:2

هُم بِطرُدوكُم مِن بُيوت الرَّب. لَكِن ساعَه بِتَجي، فيها أي واحِد البِكتُلكُم يَفتَكِر هو بِخدِم الله.

يُوحَنَّا 19:38

بَعَد دا، يُوسِف المِن الرَّامَه سأل بِيلاطُس عَشان ياخُد جِسم يَسُوع. و هو كان تِلميذ لِيَسُوع، و لَكِن في السِّر عَشان الخوف مِن اليَهود. و بِيلاطُس أدّاهو الإذن. عَشان كِدا، جا و أخَد جِسم يَسُوع.

يُوحَنَّا 20:19

و كان المِسا في اليوم الأوَّل في الأُسبوع. و بِسَبَب الخوف مِن اليَهود، الأبواب كانَت مَقفولَه مَكان التَّلاميذ كانو مِتلَمين فيهو. و يَسُوع جا و وَقَف في الوَسِط، و قال ليهُم: ”سَلام ليكُم.“

يُوحَنَّا 7:13

لَكِن، ما في واحِد كان بِتكَلَّم عَنّو قِدّام النّاس بِسَبَب الخوف مِن اليَهود.

يُوحَنَّا 9:18

و اليَهود ما صَدَّقو هو كان عَميان و عُيونو إنفَتَحَت، لِغايَة ما نادو والِديهو.

يُوحَنَّا 9:21

لَكِن كيف هو بِشوف هَسَّع، نِحنا ما بِنَعرِف، ولّا مِنو فَتَح عُيونو نِحنا ما بِنَعرِف. هو بِقى راجِل. أسألوهو، و هو يتكَلَّم عَن نَفسو.“

يُوحَنَّا 9:34

رَدّو و قالو ليهو: ”إنتَ كُنتَ مَولود في الخَطايا تَمام، و إنتَ تَعَلِّمنا؟“ و طَرَدوهو بَرَّه.

يُوحَنَّا 9:35

و يَسُوع سِمِع هُم طَرَدوهو بَرَّه. و لِقاهو و قال ليهو: ”إنتَ بِتآمِن بِإبن الله؟“

أعمال الرُّسُل 4:18

بَعدين نادوهُم و أمَروهُم ما يِتكَلَّمو أبَداً بِإسم يَسُوع ولّا يَعَلِّمو بيهو.

أعمال الرُّسُل 5:13

و ما في واحِد مِن التّانيين عِندو شَجاعَه حَتّى يوصَل بيهُم. لَكِن النّاس كانو بِحتَرِموهُم.

أعمال الرُّسُل 5:40

و هُم إتَّفَقو مَعاهو و نادو الرُّسُل و جَلَدوهُم. و أمَرُم ما يِتكَلَّمو بِإسم يَسُوع. و بَعَد دا خَلّوهُم يَمشو.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“