يُوحَنَّا 8:43 - كِتاب العَهد الجَّديد مِن الكِتاب المُقَدَّس

⁴³ لِشِنو إنتو ما بِتَفهَمو كَلامي؟ عَشان إنتو ما تَقدَرو تَسمَعو كَلامي.

يُوحَنَّا 8:43 Iomraidhean Croise

مَتَّى 13:15

عَشان قَلب النّاس ديل بِقى تَقيل، و إضنينُم تُقال عَن السَّمَع، و عُيونُم قَفَلوها، عَشان ما بِشوفو بِعُيونُم، و لا يَسمَعو بِإضنينُم، و لا يَفهَمو بِقُلوبُم، و لا يَرجَعو عَشان أشفيهُم.

يُوحَنَّا 5:25

الحَق الحَق أقول ليكُم، السّاعَه بِتَجي، و هي هَسَّع، لَمّا المَيِّتين بِسمَعو صوت إبن الله، و البِسمَعو يَعِيشو.

يُوحَنَّا 5:43

أنا جيت بِإسم أبوي، و إنتو ما بِتَقبَلوني. إذا واحِد تاني يَجيكُم بِإسم نَفسو، بِتَقبَلوهو.

يُوحَنَّا 6:60

و كَتير مِن تَلاميذو، لَمّا سِمِعو الكَلام دا قالو: ”الكَلام دا صَعب. مِنو يَقدَر يَسمَعو؟“

يُوحَنَّا 7:17

إذا واحِد رَضيان يَعمِل إرادَة الله، هو ماشي يَعرِف التَّعليم دا، إذا هو مِن الله، ولّا أنا بَتكَلَّم بيهو مِن نَفسي.

يُوحَنَّا 8:27

لَكِن هُم ما فِهمو إنّو كان بِكَلِّمُم عَن الأبو.

يُوحَنَّا 8:33

رَدّو و قالو ليهو: ”نِحنا أولاد إِبْرَاهِيم، و ما في زول يَعمِلنا عَبيد أبَداً. كيف إنتَ تَقول: نِحنا بِنكون حُرّين؟“

يُوحَنَّا 8:39

رَدّو و قالو ليهو: ”إِبْرَاهِيم هو أبونا.“ يَسُوع قال ليهُم: ”كان إنتو أولاد إِبْرَاهِيم، كُنتو تَعمِلو أعمال إِبْرَاهِيم.

أعمال الرُّسُل 7:51

يا ناس رؤسكُم قَوّيين و قُلوبكُم بَطّالين و إضنينكُم ما بِسمَعو كَلام الحَق! إنتو بِتقاوِمو الرّوح القُدُس دايماً. زي ما أبَهاتكُم كانو بيَعمِلو، إنتو كَمان بِتَعمِلو.

رُومِيَه 3:11

ما في واحِد يَفهَم، ما في واحِد يَطلُب الله.