يُوحَنَّا 8:37 - كِتاب العَهد الجَّديد مِن الكِتاب المُقَدَّس

³⁷ أنا عارِف إنتو أولاد إِبْرَاهِيم. لَكِن إنتو عاوزين تَكتُلوني، عَشان كَلامي ما عِندو مَحَل فيكُم.

يُوحَنَّا 8:37 Iomraidhean Croise

مَتَّى 13:15

عَشان قَلب النّاس ديل بِقى تَقيل، و إضنينُم تُقال عَن السَّمَع، و عُيونُم قَفَلوها، عَشان ما بِشوفو بِعُيونُم، و لا يَسمَعو بِإضنينُم، و لا يَفهَمو بِقُلوبُم، و لا يَرجَعو عَشان أشفيهُم.

مَتَّى 3:9

و ما بِتَفتَكِرو تَقولو في نُفوسكُم: أبونا هو إِبْرَاهِيم. عَشان أقول ليكُم: الله يَقدَر يَطَلِّع أولاد لِإِبْرَاهِيم مِن الحُجار ديل.

يُوحَنَّا 10:31

اليَهود رَفَعو حُجار كَمان عَشان يَكتُلوهو بيها.

يُوحَنَّا 11:53

و مِن اليوم داك، هُم كانو يِتكَلَّمو مَعَ بَعض كيف يَكتُلوهو.

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

يُوحَنَّا 7:1

بَعَد كِدا، يَسُوع كان يَمشي في الجَّليل. عَشان هو ما كان داير يَمشي في اليَهُودِيَّه، عَشان اليَهود كانو عاوزين يَكتُلوهو.

يُوحَنَّا 7:19

مُوسَى ما أدّاكُم القانون؟ و ما في واحِد مِنَّكُم يَحفَظ القانون. لِشِنو عاوِزين تَكتُلوني؟“

يُوحَنَّا 7:25

بَعدين، بَعض النّاس مِن أُورُشَلِيم قالو: ”دا ما هو الهُم عاوِزين يَكتُلوهو؟

يُوحَنَّا 8:33

رَدّو و قالو ليهو: ”نِحنا أولاد إِبْرَاهِيم، و ما في زول يَعمِلنا عَبيد أبَداً. كيف إنتَ تَقول: نِحنا بِنكون حُرّين؟“

يُوحَنَّا 8:43

لِشِنو إنتو ما بِتَفهَمو كَلامي؟ عَشان إنتو ما تَقدَرو تَسمَعو كَلامي.

يُوحَنَّا 8:56

أبوكُم إِبْرَاهِيم إنبَسَط عَشان يَشوف يومي. و هو شافو و فِرِح.“

يُوحَنَّا 8:59

و هُم رَفَعو حُجار عَشان يَرموهو بيها. لَكِن يَسُوع دَسَّ نَفسو، و مَشى مِن الهيكَل.

يُوحَنَّا 8:6

هُم قالو كِدا عَشان يَجَرِّبوهو، عَشان يَكون عِندَهُم سَبَب بِشتَكوهو بيهو. لَكِن يَسُوع دَنقَر، و كَتَب بِأصبَعو في الأرض.

أعمال الرُّسُل 13:26

يا أخوان، أولاد إِبْرَاهِيم و البِخافو الله بينكُم، الله رَسَّل لينا نِحنا كِلمات الخَلاص دا.

رُومِيَه 9:7

مُش كُلُّهُم أولاد بِالحَق عَشان هُم مِن أهل بيت إِبْرَاهِيم. لَكِن، زي ما مَكتوب: ”بِإِسْحَاق أولادَك بِجو.“

١ كُورِنْثُوس 2:14

و لَكِن الزّول الما عِندو الرّوح ما يَقبَل حاجات روح الله، عَشان دي عِندو حاجَه بَليدَه. و هو ما بِقدَر يَعرِفا، عَشان الحاجات دي مَفهومَه بِالرّوح.

١ يُوحَنَّا 2:14

كَتَبتَ ليكُم، يا أبَهات، عَشانكُم تَعرِفو هو الكان مِن البِدايَه. كَتَبتَ ليكُم، يا شَباب، عَشانكُم شَديدين، و عَشان كِلمَة الله تَسكُن فيكُم، و إنتو غَلَبتو الشَرِّير.